Briepe (Nederlands: Brijdorpe) is 'n buur'schap en voormaelige gemeênte op Schouwen-Duveland. De ouwste vermeldieng van dateert uut 1232, het woord brie refereert an de slikkerige grond weerop 't 'ebouwd is. Tegenwoordig bestit ut uut een paer huzen en boerderiejen, een bus'alte, een transformator van de PZEM en een begraefplekke.

Liggieng
Waepen van Briepe

Geschiedenisse bewerk

Briepe was een 'eerlijk'eid en toet an 1813 een eien gemeênte, mar toe gingt op in de gemeênte Duvendieke. Dizze gemeênte ging in 1961 op in de gemeênte Middenschouwen, die in 1997 wee opging in de tehenwoordige gemeênte Schouwen-Duveland. Het waepen bestit uut een zwaerd van saebel (zwart) in een gouwkleurig veld en kwam al voo in de zeventiende eêuw. Het wier as gemeêntewapen bevestigd op 31 juli 1817, toe de gemeênte al nie meer bestong.

Liggieng bewerk

Briepe lei één kilometer ten zuudoôs'en van Loôperkappel, tweê kilometer ten noor'wes'en van 't Schutje, twee kilometer ten zuudwes'en van Brouwes'aeven en tweê kilometer ten zuudoôs'en van Schaerendieke in de buurte van de delingsdiek die nae de ramp van 1953 an'eleid is.

Lienks nae buten bewerk