Sluus (gemeênte)

Sluus (Ollans: Sluis) is 'n gemeênte in Zeêland, in Zeêuws-Vlaonderen, die-a ongeveer gliekstaet an 't Land van Kezand. Sluus ao in 2022 ongeveêr 23.100 inweuners; 't oppervlak bedraegt 307,16 km² (daevan 27,81 km² waeter). De gemeênte bestaet uut de plekken Sluus (Sluis), Aerenburg (Aardenburg), Sint Anna ter Mu (Sint-Anna ter Muiden), Bresjes (Breskens), Djì (Eede), De Groe (Groede), Iezendieke (IJzendijke), Kezand (Cadzand), Sinte Pier (Nieuwvliet), Schwòndieke (Schoondijke), Sinte Kruus (Sint-Kruis), Truzement (Retranchement), 't Kerkje (Waterlandkerkje), Dwòfdplaote (Hoofdplaat), Wòstburg (Oostburg; ier staet 't gemeênte'uus) en Zuuszande (Zuidzande). Vee van die plekken è stadsrechten. Vedders bin der nog vreêd vee ge'uchten en buurtschappen.

Liggienge van Sluus in Zeêland
Gemeênte Sluus

Sommige plekken in de gemeênte Sluus ore bie de oudste van Zeêland, zoô was Aerenburg de allereêrste stad in de laetere provincie. An d'n aore kant is 'n groôt deêl van de gemeênte pas in de negentiende eêuwe in cultuur gebrocht; dae weune noe nog altied weinig lui. De gemeênte Sluus is in 2003 ontstae uut saemevoegienge van de ouwe gemeênten Sluus-Aerenburg en Wòstburg. Daevò was t'r tot 1995 al 'n vee kleinere gemeênte Sluis.

Dr bin oek vee gehuchten in de gemeente Sluus, zoals Turkieje (Turkije), Boer'nol (Boerenhol), Nummer Jin (Nummer Één), Sasput (Sasput), Eile (Heile) en T'r Ofste (Ter Hofstede).

Sluus is een krimpgemênte. De gemêênteraod will’n saom’n mee Ternzeuzen en ‘Ulst de krott’n in de diverse kern’n anpakk’n. Mao dâ kost weer een boel gèld an sloop wèrk. Een aor groôt project van de leste jaeren is het project Waoterdunen, een nieuw natuurhebied. In Middelburg en ulder alles in’t wêrk ê gesteld om dâ plan Waoterdunen deu te laot’n gaon, terwijl ze wist’n dâ 85% van de bevolking iere d’r op tegen is. Ook de noe zittende gemêênteraod en het college van b&w è z’n eih’n d’r van afgemaokt mee te zegg’n dat di gêên zaok mêêr is van de gemêênte mao van de provincie.

De gemeênte Sluus grens an de Belse gemeênten Knokke-Heist en Damme in West-Vlaonderen, en Maldegem, Sint-Laureins en Assenede in Oôst-Vlaonderen.

Zetelverdeêling gemeênteraodBewerken

De gemeênte Sluus wierd op 1 jannewari 1995 opgeheven en op 1 jannewari 2003 opnieuw en vergroôt opgericht. De gemeênteraod bestit uut 19 zêtels. Hieronger stit de saomenstellieng van de raod sins 1990:[1]

Gemeênteraodszêtels
Partij 1990 2003 2006 2010 2014 2018 2022 [2]
Sluis Lokaal ¹ 4
VVD 3 2 3 3 3 4
PvdA 2 4 4 3 2 2 3
CDA 1 5 3 3 4 4 3
SP 1 1 1
Politieke Vereniging Lijst Babijn 0 2 2 3 1
Nieuw Gemeentebelang ² 3 3 3 1
GL 0 1 1
FVD 1
Dorpsbelangen en Toerisme ¹ 3 4 2 3 2
D66 1 1 1 0
Helder Zeeuws 2 0
Nieuw West ² 3 4
Gemeentebelangen ² 2
VVD-Gemeentebelangen ² 4
Totaol 7 19 19 19 19 19 19
Opkomst 75,7% 61,0% 60,9% 56,2% 53,9% 53,1% 51,5%

¹ Onafhankelijk West (nie vermold), Dorpsbelangen en Toerisme en Lokale Partij Sluis (nie vermold) bin sins 2021 'efuseerd en gae noe vadder onger de naom Sluis Lokaal.
² Nieuw West, Gemeentebelangen en Liberaal Sluis (nie vermold) bin sins 2010 'efuseerd en gae noe vadder onger de naom Nieuw Gemeentebelang.

Lieste mee burgemeêstersBewerken

Ambtsperiode Naom burgemeêster Partij of stroôming Biezonderheên
14e eeuw Jan Buuc
?? ??
18?? - 1855 P.F. Hennequin
1855 - 1905 J.H. Hennequin
1905 - 1908 C.P.I. Dommisse
1908 - 1917 J.E. Boogaard
1917 - 1938 J.C.L.A. Berkers
1938 - 1950 A.F.J. Aernoudts
1950 - 1970 P.F. van Hootegem
1970 - 1980 H.P.L. van den Beld VVD
1981 - 1987 J.J.P.M. (Jack) Asselbergs VVD
1987 - 1995 M.L. (Rinus) Everaers VVD
Gemeênte Sluis-Erreburg
1995 - 2001 C.J. (Cees) van Liere VVD
2001 - 2003 B.J. (Ben) Straatsma PvdA waornemend
Gemeênte Sluus
2003 E.J. (Enno) Brommet PvdA waornemend
2003 - 2011 J.F. (Jaap) Sala PvdA
2011 - 2013 J. (Jacques) Suurmond VVD waornemend
2013 - 2017 A.M.M. (Annemiek) Jetten PvdA
2017 P. (Peter) Cammaert CDA waornemend
2017 - noe M.M.D. (Marga) Vermue-Vermue CDA

Zie okBewerken

RifferensiesBewerken

  1. www.nlverkiezingen.com
  2. Kiesraad

Lienks nae butenBewerken