Stalland

Stalland of Setalland (Nederlands: Sint-Annaland) is 'n durp op 't eiland Tole in de provincie Zeêland, elegen in d'n gemeênte Tole. Op 1 jannewarie 2023 a 't durp 4.035 inweuners.

Liggienge

Durpskerke in 1898

In de 18e eêuw wier Stalland al omschreve as: 'een van de voortreffelijkste dorpen van het eiland'. 'Een bekwaame Haven- en Zeehoofd, die niet alleen tot afvaart en aankomste van veele Vaartuigen, maar ook tot lyfberging by hard onstuimig Weder en Wind gelegenheid geeft en al van ouds plagt te geeven'.

De Setallander is nogà ‘onkvast. Vee mensen die at erges anders werke wille toch graeg op 't durp bluve weune, oak à motte ze d'r soms een ende vò rieë. Op ‘t durp waere vroeger ‘eêl vee zogenaemde kleine boeren mee een paer gemete grond. Dae verdienden ze de kost op deu ‘soches ‘eêl vroeg op de joôje te wezen. In negentien’onderddertig richtten ze saemen de veiling verênigieng op. Zodoende konne ze de producten zo diere meugelijk verkoape. Oak vandaege an d’n dag bin d’r nog vee kleine zelfstandige. D’r is oak een bloeiend verênigiengsleven. Bevobbeld de meziekverênigieng Accelerando bestae al ‘onderddertig jaer, en de voetbalverênigieng W.H.S. wier in juni 2011 tachentig. À je à jaeren nie meê op ‘t durp weunt, en je komt ‘r weer, dan oôr je d’r ineêns weer bie. Oak de zogenaemde import woôr à gauw opgenome, temissen, at die ‘t zelf wil. Setallanders ‘ouwe van gezelligheid en beschikke over een bepaelde humor. En noe nog over dat toaverkot. Eêl vroeger is t’r spraeke van gewist at sommige konne toavere. Op lange donkere winteraevenden wiere daer bie de sleekachel wel ’s ver’aelen over verteld. Noe wete julder zo'n bitje wat at de Setallander eige is.

Plae'ies

• 
  Meule De Vier Winden
• 
  Standerdmeule van Stalland

Zie ok

• Streekmuseum De Meestoof

Lienks nae buten

• Plaatsengids
• AlleCijfers