Answest is een plekke in Reimerswaol in Zeêland mee circa 1.500 inweuners. Answest leit an 't Kanaol deu Zuud-Beveland, nie varde van de A58. Dat kanaol wier in 1866 gegraeven en was stikke belangriek voo 't durp. Voo zo'n klein durp hao 't een groôte middenstand. Answest wier ok we Klein Antwerpen 'enoemd, vanwehe aol die Belhen die d'r kwamme. 't lag dan ok percies op de route tussen Rotterdam en Antwerpen. D'r was zelfs een Belgisch consulaat. In 1948 is dat consulaat verkocht an de vereniging 'Dochters van O.L. Vrouw van het Heilige Hart' en vanaf 30 meie 1949 'iette het 'Maria-oord' en wier er een katholiek internaot voe schipperskinders ge'uusvest. In 1955 besluut het bestuur om het internaot op te 'effen en wordt het een bejaerdenuus.

Zicht op Answest vanof 't kanaol
Answest in 1964

Nae anleg van 't Schelde-Rijnkanaol ist stikke rustiger geworren in 't durp. D'r zit nog een flienke wurft langs 't kanaol, weer-a vee binnenvaertschepen komme, mar ok we de groôte kotters van Erremu. Een belangriek bedrief is vadder Van der Straaten bv, een waeterbouwer.

Vadder was 't vroeher nog een boôt op Walsoôr'n. As een van de weinige durpen in de gemeênte Reimerswaol is Answest in meerdereid Katholiek.

Lienk nae buuten bewerk