Alaska

Alaska is 'n staet van d'n Vereênigde Staeten.

Kaerte van Alaska

D'n 'oôdstad van Alaska is Juneau. Groôste stad is Anchorage.

In Alaska weune 737.000 mensen (2018) op 'n oppervlakte van 1.718.000 km².

Op 3 jannewari 1959 trad Alaska as 49e staet toe tot de Vereênigde Staeten.

Beschrieving

Alaska op een kaerte uut 1860

Mount McKinley, de 'oôgste berg van de VS

Alaska leit apart van de rest van de Verenigde Staoten, noordwestelijk van Canada. Het is ok de groôste staet, ruum 40x zoô groôt as Nederland. Alaska wier op 30 maerte 1867 deu Rusland verkocht an de Verenigde Staoten voor US$ 7,2 miljoen. Op 11 meie 1912 wier Alaska officieel een incorporated territory. Alaska grens an Canada en vars an de Groôte Oceaân, de Tsjoektsjenzeê en de Beringzeê. De taele is Iengels en d'r worre ok nog wat Eskimo-Aleoetische taelen gesproke.

Ankoôp

Alaska wier op 9 april 1867 van Rusland gekocht, op initiatief van Minister van Butenlanse Zaeken William Seward. De VS betaelden slechts 7.200.072 dollar voo het gebied, omdat Rusland docht dat het land weinig waerd was. De ankoôp van Alaska was niet erg populair in de VS en wier wè Seward's Folly genoemd. De formele soevereiniteitsoverdracht vong plaes op 18 oktober 1867, een daotum die sindsdien gevierd wordt as Alaska Day. Toet 1884 stong het bekend as Department of Alaska en tot 1912 as District of Alaska. In 1912 wier het gebied formeel een territorium van de VS en 47 jaer naedien, op 3 jannewari 1959, wier het as 49e staet tot de Unie toegelaeten. In de tied sins de ankoôp is gebleken 'oe weinig er voo het gebied is betaeld. Goud, steênkool, aerdolie brienge bakken mie geld op. Bovendien was de liggieng van het gebied strategisch tiejens de Kouwe Oôrlog. As de ankoôp van Alaska niet had plaesgevonden hao de Sovjet-Unie een bruggenoôd in Noord-Amerika gehad.

Infrastuctuur

Weêgen loôpe d'r nauwelijks deu de staet. Van noôrd nae zuud loôpt de Trans-Alaska-puupleidieng, 1287 kilometer langk. D'r is een klein stikkie spoorlijn. Het meêste vervoer goôt over waeter of deu de locht.

Lieste van boroughs

Borough	Inweuners 1 juli 2007	Oôdplekke	Inweuners 1 juli 2007
Aleutians East Borough	2666	Sand Point	893
Anchorage Municipality	279.671	Anchorage	279.671
Bristol Bay Borough	996	Naknek	---
Denali Borough	1838	Healy	---
Fairbanks North Star Borough	97.484	Fairbanks	34.540
Haines Borough	2285	Haines	---
Juneau City and Borough	30.690	Juneau	30.690
Kenai Peninsula Borough	53.097	Soldotna	4289
Ketchikan Gateway Borough	13.227	Ketchikan	7368
Kodiak Island Borough	12.997	Kodiak	6182
Lake and Peninsula Borough	1538	King Salmon	---
Matanuska-Susitna Borough	82.669	Palmer	7804
North Slope Borough	6561	Barrow	3982
Northwest Arctic Borough	7453	Kotzebue	3152
Sitka City and Borough	8874	Sitka	8874
Yakutat City and Borough	689	Yakutat	---

Externe verwiezieng

• Officiële website van de staet Alaska

Rifferensies

Commons

Wikimedia Commons

Kiek vò meêr plaetjes over dit onderwerp in de categorie Alaska van Wikimedia Commons.