Tsjoektsjenzeê

De Tsjoektsjenzeê (Russisch: Чукотское море; Tsjoekotskoje more) ofwè de Tsjoekotkazeê is een rillatief kleine zeê in de Noôrdelijke Ieszeê tehen den Oôst-Siberische Zeê en de Beaufortzeê an. De Tsjoektsjenzeê besli 595.000 km2.

Locaotie Tsjoektsjenzeê

De Tsjoektsjenzeê lig tussen Alaska (VS) en Tsjoekotka, een autonoom district van Rusland. Ten zuden van de Tsjoektsjenzeê lig de Straete van Berieng, de verbindieng mie de Beriengzeê. De Tsjoektsjenzeê is slechs 4 maen'n per jaer toehankelijk vanwehe 't pakies en is vrie ondiepe, 56% is minder dan 50 meter diepe. De Tsjoektsjenzeê herberg hroôte hoeveelheden diersoôrten, wironder walrussen, zeê'onden en walvissen. An de kust leven Aleoetenstern'n en ijsbeêr'n.

Rivier'n

Vanuut Alaska stroômen verschill'nde rivier'n in de Tsjoektsjenzeê, onder are:

• Kivalina-rivier
• Kobuk-rivier
• Kokolik-rivier
• Kukpowruk-rivier
• Kukpuk-rivier
• Noatak-rivier
• Utukok-rivier
• Pitmegea-rivier
• Wulik-rivier

Vanuut Siberië stroômen onder are de Amguyema-rivier en de Chantalveergyn-rivier in de Tsjoektsjenzeê

Plekk'n an de Tsjoektsjenzeê

Plekk'n an de Tsjoektsjenzeê zien:

• Leningradsky
• Neshkan
• Pil'gyn
• Point Hope
• Ryrkaypiy
• Uelen
• Vankarem

Eilan'n

De hroste eilan'n in de Tsjoektsjenzeê zien:

• Gerald-eiland
• Koljoetsjin
• Wrangel-eiland