Wulleminadurp

't Wulleminadurp (Nederlands: Wilhelminadorp) is een durp in de gemeênte Goes. 't Durp ao 780 inweuners (2023).

Liggienge

Hervormde kerke van Wulleminadurp

Wulleminadurp ontstong in 1812 toe de Wulleminapolder wier bediekt. Oorspronkelijk hietende de polder Lodewiekspolder, omdat Lodewijk Napoleon in 1809 besloôt 't gebied in te polderene. In 1815 kreeg de polder z'n tehenwoôrdige naam, naer de echtgenote van Koning Wullem I. Bizonder is dat in dizze polder mar ien landbouwbedrief kwam, de Koninklijke Maatschap de Wilhelminapolder. Dit bedrief was en is ien van de groôste landbouwbedrieven van Nederland en bestit nog steeds. De maetschap hao ok een Kwêêk'oeve. Van de Kwêêk'oeve is nie vee mi over. 't Waz'n ontêrd hróóte, voe 'n oeve wat eihenaordug medel, schuure mie twï hraenpak'uuzen d'r voe ebouwd. Die schuure waz ok eiheluk as meekrap- en garancienefebriek mie 'n dirrukteurs'uus an neer'ezet. Op 26 meie 1868 is die febriek 'eslote en is .dinae 'n oeve eworre, mee een zetbaes di saemen mie drie knechs werkende. D'r wazze meestal zó aolf de vuuftug melkkoeijen, 'n dertug toet fêértug kaolvers, twi peren, êên of twi stieren en swinters wat kacheltjes. Voe dat aolf de dertuhher jêren 't eelektries kwam wier vanzelf mie d'and emolke en laeter massienaol mie 'n bezienemotor. De melk hieng deur 'n zift in buzzen en die wiere in 't melklookaol in 'n stêêne bak mie koud waeter ezet. Die leurden ze mie pêrd en karre in hróóte en kleine buzzen op 't durp en in 'n hedêêlte van Hoes uut.

Wulleminadurp liet aan 't kanaol van Goes nae de Oôsterschelde. De Hervormde kerke in 't dorp is 'ebouwd nae een ontwerp van Isaäc Warnsinck.

Lienks nae buten

• Plaatsengids
• AlleCijfers