Hoofdmenu openen
De polder vanuut de ruumte
Het grondgebied van de polder is verdeeld onger 12 plekken
Schokland leit tehenwoordig droôg in de Noordoôstpolder. Vroeher wast een echt eiland in de Zuujerzeê

De Noordoôstpolder is een polder en gemeênte in de Nederlanse provincie Flevoland. De gemeênte ao 46.371 inweuners op 1 feberwari 2012. Mee een oppervlak van 460,05 km² is de Noordoôstpolder de groôste gemeênte van Nederland. De oôdplekke is Emmeloord. Het voormaelige eiland Urk mikt gin deel uut van de gemeênte, het voormaelige eiland Schokland wel. De polder is in 1942 droôg 'eleid int kaeder van de Zuujerzeêwerken.

Aol in de Twidde Wereldoôrlog wier behunnen mee de bouw van boerderiejen, in eerste instantie dezelfde as in de Wieringermeer. Dizze sto voornaomelijk an de oôstkant van de Polder, meestà aat behun van een weg. Nae de oôrlog wazze stenen en messelaers nog schaers; voo 't eest wier gebruuk 'emikt van prefab betonelementen. In 1947 begon de uutgifte van grond. De nieuwe boeren wiere streng 'eselecteerd. Ulder kwamme voornaemelek uut Friesland, Noord-'Olland, en Zeêland (onger aore uut Walchren da-a in oktober 1944 deu de geallieerden onger waeter was 'ezet). Nae de waetersnoôd van 1953 kwamme d'r nog vee boeren van Schouwen-Duveland, Tole en Zuud-Beveland over.

Bie de inrichtieng van de polder ging ulder uut van één centraole plekke (Emmeloord), en stervurmige verbindiengswegen nae tien kleinere durpen. Bie het ontwerp van de Noordoôstpolder wier uut'ego van kernen op fietsofstand, mar de opkomst van de auto mikte dit tiejens de uutvoering al achterhaeld.

In'oud

Plekken en durpen in de gemeênteBewerk

De gemeênte Noordoôstpolder eit 12 plekken, weervan Emmeloord vardeweig de groôsten is. Nae Emmeloord is Marknesse het groost.

Antal inweuners per weunkern (mee 't jaer van anvang per durp), bie planning 'eprojecteerd, per 1 janawari 1985,[1] en op 1 jannawari 2010[2]:

naam begin plan 1985 2010
Emmeloord 1943 10.000 18.976 25.225
Marknesse 1946 2.000 2.194 3.857
Ens 1948 2.000 1.618 3.038
Luttelgeest 1950 2.000 666 2.235
Nagele 1954 2.000 1.014 1.950
Tollebeek 1956 2.000 579 2.246
Rutten 1952 2.000 620 1.733
Creil 1953 2.000 687 1.658
Kraggenburg 1948 2.000 655 1.454
Bant 1951 2.000 651 1.323
Espel 1956 2.000 714 1.356
Schokland n.v.t 0 0 5
totaal 30.000 28.374 46.080

LiteratureBewerk

  • M. Gort en A. van Oostrom: Uitverkoren. De kolonisatie van de Noordoostpolder 1940-1960 (Zwolle 1987)

Externe verwieziengenBewerk

RifferensiesBewerk

  1. Gegevens voor zowel de planning als het aantal inwoners per 1985 zijn afkomstig uit RIJP, Dorpen in de IJsselmeerpolders, 1986, terug te vinden in Steven Brakman, Harry Garretsen & Charles van Marrewijk, An introduction to geographical economics, Cambridge 2001, pag. 35.
  2. Gegevens per 1 januari 2010 zijn afkomstig van de gemeentelijke website Noordoostpolder.


 
Provincie Flevoland
 
Gemeênten

Almere | Dronten | Lelystad | Noordoôstpolder | Urk | Zeêwolde

Waeterschappen
Zuujerzeêland
Belangrieke streken
Noordoôstpolder - Oôstelek Flevoland - Zuujelek Flevoland
Nederland | Provincies | Gemeênten