Veêrdienste van Veere nae Kamperland

De veerdienste van Veere nae Kamperland was een dienst van de Provinciaole Stoômboôtdiensten in Zeêland. In 1923 wiere de veerrechten van Kamperland nae Ter Veere vice versa gekocht van de desbetreffende ambachts'eerlijk'eden. 'Ier gingen lange onger'andelingen an vooraf omdat ze eerst een bedrag van 7500 gullen wilden voe de verkoop van het recht. Uuteindelijk koos de provincie voe het 'uren van het recht voe 30 jaar. Vanof 1 juni 1924 start de nieuwe veêrdienste mie de motorboôt Juliana en as reserve een zeilboôt mie butenboordmotor.

Het veersteiger van de voormaeilige veerdienste an de Noord-Bevelandse kante.

In 1930 komt de Zuidvliet nae het veer. Schipper is M.N. Minneboo, ofwel ‘Meindert van het booôje’ zoas um op Noord-Beveland bekend stong. Op 26 meie 1953 liep de Zuidvliet vast mie een onweersbuuje. Reddiengboôt Maria Cornelia Blankenheim van station Veere kon de veerboôt weer vlottrekken.

In feberwari 1956 liep de Zuidvliet ok vast mae dan in het ies, dezelfde reddingboot kwam dit keer ok te 'ulp en vervulde zelfs de taek van veerboôt laeter die dag deur nae Kamperland te vaeren mie passagiers.

Op 27 oktober 1961 werd de Veersegatdam opengesteld voe verkeer en wier de veêrdienste van Veere nae Kamperland opgeheven.

Zie ok bewerk

Externe verwiezieng bewerk