Terschellienge
Terschellieng(e) is 'n eiland en gemeênte in de provincie Friesland. Bie mekaore weune d'r zo'n 4.900 mênsen op 't eiland.
| Nederlands | Terschelling |
| Fries | Skylge |
 | |
 | |
| Land | Nederland |
| Provincie | Friesland |
| Streêken |
Waddenhebied |
| Oôdplekke | West-Terschelling |
| Oppervlakte | 674 km² |
| - land |
87 km² |
| - waeter |
587 km² |
| Inweuners |
4.900 (2023) |
| Dichteid | 57 inw./km² (land) |
| Coördinaot'n | |
De groôste plekke op het eiland is West-Terschelling. Een aor durp op Terschelling is Midsland. Vanof 'West' is er een veerverbinding nae Harlingen, die-a d'r naebie een ure over vaert.
Terschelling grenst an de Noôrdzeê en int zuujen an de Waddenzeê; ten zuudwes'n leit Vlieland en ten oôs'n Ameland. De totale strandliengte is 30 kilometer. Nae Texel is Terschelling het groôste Nederlandse waddeneiland.
Net as bir de meêste aore Waddeneilanden is het toerisme een belangrieke bron van inkoms'n. In het 'oogseizoen bin d'r meer as drie keer zovee mênsen as in de winter. In juni is Terschelling jaerlijks de locatie voo het Oerol Festival. Vadder kent Terschelling de zeêvaertschole Willem Barentsz (sins 1875). Een bekend bouwwêrk op het eiland is de vuurtoren Brandaris.
Geschiedenis
bewerkHet eiland is in de Middeleêuwen ontstaen naedat een zandplaete mee de naem De Schelling saemen ging mee het oôstelijker gelegen eiland Wexalia. De naam Wexalia, Wuxalia of Wecsile geldt as de middeleeuwse naam voo het gebied van Oôst-Terschelling. De naem raekte al in de Middeleêuwen in onbruuk. In de 17e eêuwe wier het eiland deu de Iengelse geplunderd. Ant ende van de 18e eêuwe strandde bie het eiland het goudschip De Lutine.
Terschelling is verscheie keren in aore han'n overgegaen; de laeste keer was in de Twidde Wereldoôrlog (1942), toe Terschelling saemen mee Vlieland van de provincie Noord-'Olland bie de provincie Friesland kwam.
Durpen en g'uchten
bewerkDe gemeênte Terschelling telt vuuftien officiële kernen. De 'oôdplekke is West-Terschelling.
Antal inweuners per plekke in 2022:
| Nederlandse naem | Lokale naem | Friese naem | Inweuners |
| West-Terschelling | West | West-Skylge | 2.600 |
| Midsland | Meslôns | Midslân | 1.100 |
| Hoorn | Hôane | Hoarne | 500 |
| Formerum | Femearum | Formearum | 300 |
| Lies | Lies | Lies | 150 |
| Oosterend | Aastrein | Aasterein | 140 |
Gemeênteraed
bewerkDe gemeênteraed van Terschelling bestit uut 11 zetels. 'Ieronger stit de saemenstelling van de raed sins 1990:
| Gemeênteraedszeêtels | |||||||||||||||
|---|---|---|---|---|---|---|---|---|---|---|---|---|---|---|---|
| Partij | 2022 | 2018 | 2014 | 2010 | 2006 | 2002 | 1998 | 1994 | 1990 | ||||||
| Plaatselijk Belang Terschelling | 3 | 2 | 3 | 3 | 3 | 2 | 4 | 3 | 3 | ||||||
| VVD | 3 | 3 | 2 | 2 | 3 | 2 | 2 | 2 | 3 | ||||||
| Samen Terschelling | 2 | 1 | |||||||||||||
| PvdA | 2 | 4 | 4 | 4 | 3 | 4 | 3 | 5 | 3 | ||||||
| CDA | 1 | 1 | 2 | 2 | 2 | 3 | 2 | 1 | 2 | ||||||
| Totaol | 11 | 11 | 11 | 11 | 11 | 11 | 11 | 11 | 11 | ||||||
| Opkomst | 65% | 67% | 67% | 66% | 70% | 72% | 76% | 77% | 80% | ||||||
Lienks nae buten
bewerk