Sigrid Kaag (Rieswiek, 2 november 1961) is 'n Nederlandse diplomaet en voormaelig politica. Van 4 september 2020 toet 12 auhustus 2023 was zie politiek leider van D66 (op'evolgd deu Rob Jetten). Vanof 8 jannewari 2024 is zie VN-diplomaet vò de wederopbouw van de Gazastroôke.

Kaag groeide op in Zeist, studeerde an d' Universiteit Utrecht, in Caïro, in Iengeland (Universiteit van Oxford en Exeter), an 't Instituut Clingendael in D'n Aegt en an d' École nationale d'administration (ENA) in Frankriek, en werkte bie Shell, 't ministerie van butenlandse zaeken en de Vereênigde Naoties.

Van oktober 2017 toet meie 2021 was zie minister van butenlandse handel en ontwikkelingssaemenwerkieng, van meie toet september 2021 minister van butenlandse zaeken (beide in 't kabinet-Rutte III) en van 10 jannewari 2022 toet 8 jannewari 2024 was zie minister van financiën in 't kabinet-Rutte IV. Zij was ok eêste vice-premier. Van maerte 2021 toet jannewari 2022 was zie ok lid van de Twidde Kaemer en deêls ok fractieveuzitter.

Sigrid Kaag is roôms-katteliek en getrouwd mie 'n Palestijnse taandarts en voormaelig politicus onger Yasser Arafat.

Lienks nae buten bewerk