Palestina (land)

Palestina (Araobisch: فلسطين — Filastin), officieel de Staet Palestina
(Araobisch: دولة فلسطين — Dawlat Filastin), ok angeduud as Palestijnse gebied'n
(Araobisch: الأراضي الفلسطينية — al-Aradi al-Filastiniyya), is 'n onvolwaerdig land in Azië. 't Leit in 't Midden-Oôsten en daerbinn'n in de gelieknaemige streek Palestina en grenst deêls an de Middellanse Zeê. 't Is 'n land mie beperkt zelfbestier en mie beperkte erkennieng dat deêls wor bezet deu Israël.

De PLO ei in 1988 in Alhiers ienziedig d' onafankelijk'eid van de staet Palestina uutgeroepen. Op grond van d' Oslo-akkoorden I uut 1993 tussen Israël en Palestina is in 1994 de Palestijnse Autoriteit (PA) in'esteld. Sins 2013 wor de PA ok as Staet Palestina angeduud. De PA streef nae volledige onafankelijk'eid.

't Land Palestina bestaet uut de:

Gazastroôke (Iengels: Gaza Strip), in 1967 deu Israël veroverd, sins 2005 volledig Palestijns zelfbestier en sins 2007 bestierd deu de Palestijnse terreurbewegieng Hamas.
Westelijke Jordaonoever (ok Westoever 'enoemd, Iengels: West Bank), ok in 1967 deu Israël veroverd, sins 1995 deêls (beperkt) zelfbestier deu de Palestijnse Autoriteit maer deêze wil eigelijk de heêle Westoever bestieren.

'Oôdstad is Ramallah op de Westelijke Jordaonoever. Palestina wil Oôst-Jeruzalem as 'oôdstad, leit eveneêns op de Westoever maer is deu Israël (ok nog bie wet in 1980) ingeliefd wat echter internationaol niet wor erkend.

D'r weune in Palestina bie mekaer ruum 6,1 meljoen inweuners (2023) op 'n totaole oppervlakte van 6025 km², dat is meêr as 1000 inweuners per km². De inweuners binne Araobieren (Palestijnen — 5.483.000 in 2023)^[1] mie 'n Joôdse minder'eid (Israëli's) op de Westoever.

President sins 2005 is Mahmoud Abbas, d'n opvolger van Yasser Arafat (was d' eêste president).

Noôten

↑ Indicators, Palestinian Central Bureau of Statistics

Lienks nae buten

Britannica
City Population
Palestinian Central Bureau of Statistics
Klimaatinfo
Achtergrond van het Israëlisch-Palestijns conflict, Historiek
Conflict Israël - Palestijnse gebieden, vrt nws

Lan'n in Azië
Afghanistan \| Armenië \| Aâzerbeidzjan \| Bahrein \| Bangladesh \| Bhutan \| Brunei \| Cambodja \| China \| Cyprus \| Ehypte \| Filepijn’n \| Georhië \| India \| Indonesië \| Irak \| Iran \| Israël \| Japan \| Jeem’n \| Jordaonië \| Kazachstan \| Kirhizië \| Koeweit \| Laos \| Libanon \| Mallediven \| Maleisië \| Monholië \| Myanmar \| Nepal \| Noôrd-Korea \| Oezbekistan \| Omaan \| Oôst-Timor \| Pakistan \| Qatar \| Rusland \| Saoedi-Araobië \| Singapoor \| Sri Lanka \| Syrië \| Tadzjikistan \| Taiwan \| Thailand \| Toerkmenistan \| Turkije \| Vereênigde Araobische Emiraoten \| Vietnam \| Zuud-Korea
Afankelijke hebied'n: Adjara \| Akrotiri en Dhekelia \| Nachitsjevan \| Nagorno-Karabach
Niet-erkende staeten: Abchazië \| Noôrd-Cyprus \| Palestina \| Zuud-Ossetië
Afrika - Noord-Amerika - Zuud-Amerika - Europa - Oceanië

[1] Indicators, Palestinian Central Bureau of Statistics

[1]