Ruud Lubbers

Ruud Lubbers (Rotterdam, 7 meie 1939 - Rotterdam, 14 feberwari 2018) was 'n Nederlands chrissen-democraotisch politicus. Van 1982 toet an 1994 was um minister-president van Nederland.

In 't kabinet-Den Uyl, wat regeerde van 1973 tot 1977, was um minister van Economische zaeken. 'Ie was eên van de jóngste ministers tot dan toe in Nederland. In die functie kreeg um te maeken mee tweê oliecrises. Kritiek kwam d'r op de levering van reactorvaeten an Zuud-Afrika. In 't kabinet-Van Agt I nam um gin zitting, mae ging nae de Twidde Kaemer. Toe in 1978 Willem Aantjes es fractievoozitter mos oftreeje volgde Lubbers dezen op.

Nae tweê vroeg gevalle kabinetten ging Dries van Agt in 1982 uut de politiek. 't CDA, wat de groôste partij was geworre, leverde wel weer de premier; dat wier Ruud Lubbers. 'Ie formeerde een kabinèt mee de VVD. 't Beleid van 't kabinet-Lubbers I stong in 't teken van umvangrieke bezuuneginge, omdat de staesschuld 'oôg was opgelope. In 1982 wier 't Akkoord vaan Wassenaer geslote, wat as 't begin van 't Poldermodel wor gezieje. 't Kabinet-Lubbers II, ok CDA en VVD, zette dit beleid deu. Dit kabinèt viel in 1989 deu actie van de VVD. Datzelfde jaer wier 't Kabinet-Lubbers III geformeerd, uut CDA en PvdA. Dit kabinet was nie populair. Nae het oftreden van Lubbers verloor 't CDA in 1994 20 zetele in de Twidde Kaemer.

Lubbers kreeg in de jaeren '90 een oôge functie bie de Verenigde Naâties in New York City, mae kreeg 'ier te maeken mie een anklacht vanwege vermeênde seksuele intimidâtie.

Um studeerde economie an d'n Erasmus Universiteit Rotterdam, was getrouwd en katteliek.

Kabinet'n

Kabinet-Lubbers I (1982-1986): CDA, VVD
Kabinet-Lubbers II (1986-1989): CDA, VVD
Kabinet-Lubbers III (1989-1994): CDA, PvdA

Lienks nae buten

Parlement.com
Historiek
Het marathoninterview, VPRO, 28 december 2007, Radio 1, 9:00 tot 12:00 uur, mee interviewer Chris Kijne (te beluusteren)

Premiers van Nederland

Wim Schermerhorn (PvdA, 1945-1946) — Louis Beel (KVP, 1946-1948) — Willem Drees (PvdA, 1948-1958) — Louis Beel (KVP, 1958-1959) — Jan de Quay (KVP, 1959-1963) — Victor Marijnen (KVP, 1963-1965) — Jo Cals (KVP, 1965-1966) — Jelle Zijlstra (ARP, 1966-1967) — Piet de Jong (KVP, 1967-1971) — Barend Biesheuvel (ARP, 1971-1973) — Joop den Uyl (PvdA, 1973-1977) — Dries van Agt (CDA, 1977-1982) — Ruud Lubbers (CDA, 1982-1994) — Wim Kok (PvdA, 1994-2002) — Jan Peter Balkenende (CDA, 2002-2010) — Mark Rutte (VVD, 2010-2024) — Dick Schoof (partijloôs, 2024-noe)

Nederlandse kabinet'n