Zeêuws trekpaerd

paerderas

't Zeêuws/Nederlands trekpaerd/ploegpaerd is 'n koudbloejig paereras wat-a eêuwenlang in Nederland is gebruukt, voraol vo werk op 't land. 't Is daermee 't eênigste trekpaerenras wat-a je in dit land vinde kan, a bin aore rassen vroeger ok vo de ploeg gezet. Vandaeg d'n dag oor 't ras nog 't meêste mee Zeêland geassocieerd; daerom noeme ze 't dikkels Zeêuws trekpaerd.

Tweê Zeêuwse/Nederlandse trekpaeren vo de ploege

Geschiedenisse bewerk

't Zeêuwse trekpaerd trek vergemes vee op 't Bels trekpaerd en gaet ok vromme op 'n type paerd dat a in de middeleêuwen a gebruukt wier. 'n Stamboek is t'r sinds begin negentienden eêuwe.

Buten de landbouw wier 't ok as sleperspaerd gebruukt. Liek as bie aolle koudbloedpaeren stortte 't gebruuk nae d'n Oorlog glad in. In Zeêland 'ieuwe ze d'r an vast, omdat 't 'ier bie tradities as de straô (in Noordwelle) en 't rienkrieën (Walcheren) oor gebruukt.

Butekante bewerk

't Is 'n middelgroôt paerd mee 'n schoft'oôgte van zò'n 1,60 meter. 't Lief is bonkig en gespierd, mee korte beênen en 'n vrie klein 'oôd. 't Gewicht leit in de regel tussen 750 en 1000 kilo. Vroeger deje ze de staert coupere, mae sind 2001 is dat in Nederland verboje.

Karakter bewerk

't Zeêuwse trekpaerd stae bekend as 'n koele beêste die nie gauw schrikt. Wè bin ze 'n bitje koppig.

Externe lienks bewerk