Tramways à vapeur Flessingue-Middelbourg et extensions

De Societé Anonyme (Naemlozen vennoôtschap) des Tramways à vapeur Flessingue-Middelbourg et extensions (TVFM), laeter officieel genaemd Societé Anonyme d' Éclairage et Tramways Electriques, was een van oorsprong Bels trambedrief, dat de steën Vlissienge en Middelburg op Walchren mee mekaore verbond (vandeer dat ok wè de initiaolen VM wiere 'ebruukt). 't Bedrief wier op'ericht op 11 feberwari 1885 te Brussel en nam de exploitatie, die 't ende 1881 was behunnen, over van een particuliere concessionaeris. Na elektrificaotie in 1910 en overname deu de provincie Zeêland op 1 jannewari 1929 wier de exploitatie voort'ezet toet an de inundaotie van Walchren in oktober 1944.

Koarte van de liene

Tram op de mart in Middelburg, ca. 1910

Badhuusstraete, Vlissienge, ca. 1910

In Middelburg reej de trem vanof de Mart, via Pottenmart, Langeviele en Binnenvielebrugge, Pottenbakkerssingel, Zandstraete nae de tehenwoordige Vlissiengsesingel, langs het Kanaol deu Walchern nae Vlissienge. Dee gingt via de Koningsweg, het Tramlaentje, de Aegje Dekenstraete (wee de remise mee de werkplekke was) ent Be'ie Wolffplein nae de Walstraete, wee de wisselplekke was. Dan wast nog een klein stikkie nae 't officiële eindpunt op de Zeilmart. Dee behun wee de verbindieng, vromme via de Walstraete, over het Be'ie Woffplein en de Bad'uusweg nae 't Bad uus.

Literatuur

• R. Stamkot, R.F. de Bock, C.A. van der Eijk: Elektrische trams in Twente, Zuid-Limburg en Zeeland. Wyt, Rotterdam, 1971. ISBN 90 6007 592 7
• H.G. Hesselink, De trams op Walcheren. Den Boer, Middelburg, 1981. ISBN 90 70027 70 4