Onte: verschil tussen versies

D' '''Onte''' of '''Westerschelde''' is 't stik van de [[rivier]] de [[Schelde]] dat-a in [[Nederland]] leit. 't Valt vò 'n groôt deêl zaemen mee 't [[estuaorium]] van die rivier. In 't noôrde oor ze begrensd deu [[Walchren]] en [[Zuud-Beveland]], in 't zuje deu [[Zeêuws-Vlaonderen]]. Ze is as eênegste zeê-aerm in zuudwest-Nederland nie afgeslote deur 'n waeterkeêrienge omdan de schepen van [[Antwerpen]] nae de [[Noôrdzeê]] en omgekeerd over d'Onte moete.

 

 

Nae de komst van 't [[Deltaplan]] kwaeme d'r overal anders in Zeêland dammen en bruggen daermeê je van 't eêne naer 't aore eiland kon, maer bie de Onte kon dat nie. Dat zou van eiges de scheepvaert in de wegt zitte. Daerom bleve d'r tweê groôte veerdiensten in de vaert: eên van [[Vlissienge]] nae [[Bresjes]], eên van [[Krunehe]] nae [[Perkpolder]]. Uutendelienge wier d'r an 't ende van de twintegste eêuwe beslote 'n tunnel te boren. De [[Westerscheldetunnel]], die-a in [[2003]] klaerkwam, loôpt van [[Ellesdiek]] nae [[Terneuzen]] en kost vee minder as de ouwe veren. D'n dienst van Vlissienge nae Bresjes is gebleven as voetveer. Daerover ontstoenge ok weer protesten, omdat de priezen vee oôger waere as da je vroeger te voet moch betaele.

 

[[de:Westerschelde]]

[[no:Westerschelde]]

[[sv:Westerschelde]]