Snaevelbeêsten

Snaevelbeêsten
Mier'nehel
Taxonomische indeêlienge
Riek: Beêsten (Animalia) Stamme: Chordabeêsten (Chordata) Klasse: Zoogdieren (Mammalia)
Orde
Monotremata (Bonaparte, 1837)

Snaevelbeêsten of cloacabeêsten zien een orde van eierlènde zoogdieren die an voekomm'n in Australië en Nieuw-Guinea. Tot de snaevelbeêsten be'oôrn 't veugelbekdier, de mier'nehels en een paer uutesturven verwante soôrten.

Snaevelbeêsten worn ok wè cloacabeêsten enoemd omdan de urineleiers, de blaeze en de eileiers allemille uutkomm'n in 1 openienge, de cloaca, die a nurmaol hesproken bie zoogdieren nie voekom, behalve dan ok bie de buudeldieren. Ok de naem van de orde, Monotremata, bestaende uut de Griekse woôrn 'monos' (eên) en 'trema'(hat), sli op dit biezondere kenmerk.

Snaevelbeêsten lèn as enihe zoogdieren eiers. 't Zien zochte en leern eiers, die an ni een dag of tiene uutkomm'n. Ze worn toch bie de zoogdieren inedeêld omdan ze der jongen hewoon voed'n mie melk, en ok net as aole are zoogdieren wermbloedig zien, een vacht èn, een onderkaeke die a besti uut 1 bot en drie hehoorbeêntjes.

Snaevelbeêsten eetn vurral onhewurvelde beêsjes, die an ze opzoeken mie der snuut die a rieke is an tastorhoanen. Veugelbekdieren eetn vurral waeterinsect'n en schaeldieren, terwijl an mier'nehels mier'n en termieten eetn en vachtehels rehenwurmen.

Indeêlienge

De orde van de snaevelbeêsten besti uut 't volhende:

• Onderorde Veuhelbekdierachtegen (Platypoda)
  • Femielje Kollikodontidae†
    • Heslacht Kollikodon†
      • Kollikodon ritchiei†
    • Heslacht Teinolophus†
      • Teinolophus trusleri†
  • Femielje Veugelbekdier'n
    • Heslacht Monotrematum†
      • Monotrematum sudamericanum†
    • Heslacht Obdurodon†
      • Obdurodon dicksoni†
      • Obdurodon insignis†
    • Heslacht Ornithorhynchus
      • Veugelbekdier (Ornithorhynchus anataninus)
    • Heslacht Steropodon†
      • Steropodon galmani†

• Onderorde Mier'nehels (Tachyglossa)
  • Femielje Mier'nehels (Tachyglossidae)
    • Heslacht Tachyglossus (Echte mier'nehels)
      • Mier'nehel (Tachyglossus aculeatus)
    • Heslacht Zaglossus (Vachtehels)
      • Zaglossus attenboroughi
      • Zwartaerihe vachtehel (Zaglossus bartoni)
      • Hewone vachtehel (Zaglossus bruijni)
      • Zaglossus hacketti†
      • Zaglossus harrisoni†
      • Zaglossus owenii†
    • Heslacht Megalibgwilia
      • Megalibgwilia ramsayi†
      • Megalibgwilia robusta†