Roôfveugels

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves)

Orde

Falconiformes
(Sharpe, 1874)

De orde van de roôfveugels (Falconiformes) is in van de bekenste ord'n. De miste zien vleêseet'nde veugels mè der zien ok een antal soôrten die an aes eet'n. Der zien meêr dan 300 soôrten wivan a warschijnlijk de Amerikaânse zeêaerend de bekensen is. Roôfveugels jaehen altied overdag.

Voedieng

Net zoas bie are soôrten veugels is der voediengspatroôn te ziene an der snaevel. Roôfveugels èn een aeksnaevel mie scherpe ran'n zodan ze der prooie hoed kunn'n verscheur'n. Valken èn as kenmerk dan ze een aeksnaevel èn mie an de bovensnaevel een uutstulpieng wibie an ze de nikke van der prooie breek'n.

Roôfveugels èn verschill'nde voediengspatroôn'n. Valken eet'n vurral veugels, visaerenden vis, slekkenwouw'n eet'n allin slekk'n en sicretârisveugels eet'n slangen. Buuzerds jaehen zelden ars as van een paeltje, der is bekend an volwassen buuzerds 80-90% van der tied zittend deurbrieng'n. Hieren direntehen zweven uur'n op de thermiek op zoek ni kadavers.

Bedreihde roôfveugels

Vee roôfveugels zien bedreigd as hevolg van hiffen die an deur muuzen opevreten worn, en deze muuzen worn wee deur de roôfveugels eheet'n. Ok wor 't er vee op roôfveugels ejaegd, en dideur zien sommihe populaties bieni uutesturven. 't Trieste voôrbeêld is de Californische condor. Op 't dieptepunt in de jaeren '80 tel'n de totâle populatie 27 bêesten.

Indeêlieng

De orde van de roôfveugels (Falconiformes) besti uut 5 femieljes, oewè an sommihe taxonoom'n de femielje Cathartidae ok wè indeêl'n onder de eiberachtigen (Ciconiiformes).

Accipitridae (Sperwerachtihen)
Cathartidae (Hieren van de Nieuwe Waereld)
Falconidae (Valken)
Pandionidae (Visaerenden)
Sagittariidae (Sicretârisveugels)

Ord’n van Veugels