Oôsterscheldekering
De Oôsterscheldekering is een beweegbaere kering in de mond van de Oôsterschelde tussen Schouwen-Duveland en Noôrd-Beveland. Over de kering lopt een 9 kilometer lange wegverbinding, die deel uut mikt van de N57. Onderweg oor de kerienge onderbroke deu tweê opg'oôgde zandplaeten, de werkeilanden. 't Zudelijke werkeiland Neeltie Jans is vreêd bekend g'ore as attractiepark. Op de noordelijk gelegende Roggenplaete is buten de wegt en 'n aeve niks te vinden. Oorspronkeluk was 't de bedoewling de Oôsterschelde of te dammene. Hier waeren ze end jaeren '60 al mee begonne. De protest'n weire steeds luujer, en in 1974 wier dat werk stille 'eleid. Al vuuf van de nehen kilometer was toe gereed, mar toe is deu minister Tjerk Westerterp beslote om de resterende vier kilometer (dat waere juust de stoômgaeten) te voorzie van schuuven. In 1976 wier 't werk hervat. De sturmvloedkering wier op 4 oktober 1986 'eopend deu Koningin Beatrix, die deerbie de bekende woorden De stormvloedkering is gesloten. De Deltawerken zijn voltooid. Zeeland is veilig sprak. De weg wier pas 'eopend op 5 november 1987. Deu tehenvallers is 't werk een stik dierder dan eerder begroôt 'eworren.
Sluuting schuuven
bewerkDe procedure is dat bie waeterstan'n boven de drie meter NAP de kering wor gesloten.
| Daotum | Peil (m boven NAP) | Biezonderheên |
|---|---|---|
| 20 oktober 1986 | 2,94 | |
| 19 december 1986 | 2,73 | |
| 19 december 1986 | 2,71 | |
| 14 feberwari 1989 | 3,71 | |
| 27 feberwari 1990 | 3,17 | |
| 27 feberwari 1990 | 3,69 | |
| 28 feberwari 1990 | 3,25 | |
| 1 maerte 1990 | 3,35 | |
| 21 september 1990 | 2,92 | |
| 12 december 1990 | 2,80 | |
| 11 november 1992 | 3,15 | |
| 25 jannewari 1993 | 3,25 | |
| 21 feberwari 1993 | 3,13 | |
| 14 november 1993 | 3,37 | |
| 15 november 1993 | 3,37 | |
| 28 jannewari 1994 | 3,49 | |
| 2 jannewari 1995 | 3,37 | |
| 29 oktober 1996 | 3,13 | |
| 27 oktober 2002 | 2,55 | |
| 21 december 2003 | 3,23 | |
| 8 feberwari 2004 | 3,00 | |
| 8 november 2007 | 3,43 | |
| 5 december 2013 | 3,60 | Sturm van 5 december 2013 |
Externe verwieziengen
bewerk- Actuele informatie - Riekswaeterstaet
- Actuele werkzaamheden N57 - Riekswaeterstaet
- Deltawerken online over de Oôsterscheldekering.
- Interview Hennes de Ridder, meewerkend ingenieur over totstandkoming van de kering, Casa Luna - 30 september 2011
