Nieuw-Beijerland

Nieuw-Beijerland is een durp in de Hoekse Waerd. Het durp ligt an het Spui en d'r weune vierduuzend man. D’r vaert een veêrboôt naer Spiekenisse. Nieuw-Beijerland valt onger de gemeênte Korendiek, weervan het de groôste plekke is. Het is een deels reformatorisch durp, d'r is een groôte Grifformeerde Gemeênte mit ruum achthonderd leden. Varder is er een Hervormde Gemeênte en een Oud Grifformeerde Gemeênte. Vlak langs het durp loapt een hoagspanningsleiding. Langs het Spui bin een antel appartemen’n gebouwd.

De haevene van het durp mit het eênige visserscheepje.

Meule "De Swaen", vroeger "windlust" genaamd

De eêrste Nieuw-Beijerlandse meule wier gebouwd rond het jaer 1600, kort nae het ontstaen van de polder. In 1703 wier de meule 'Windlust' gebouwd, tehenwoordig De Swaen. Dit was in de achttiende eeuw een zohenaemde 'Banmeule' wat inhield da’j verplicht was je graen deer te laeten maelen.

In 1984 is Nieuw-Beijerland mie Goudswaerd, Zuud-Beijerland en Piershil saemengevoegd toet de gemeênte Korendiek.

Bekende Nieuw-Beijerlanders

• Nicolaas Hendrik Beversluis (1850-1931), doômenee
• Wil den Hollander (1915-2000), schriefster
• Francisco van Jole (1960), journalist (brocht ‘ier z’n jeugd deur)
• Cees Veerman (1949), boer, econoom en politicus (oud-minister van Landbouw)