Nicolaas Hendrik Beversluis
Nicolaas Hendrik Beversluis (Zeeuws: Nicolaas 'Endrik Beversluus), Nieuw-Beijerland, 1 feberwari 1850 - Paterson, 5 juli 1931, was een doômenee van de Ledeboerianen en, nae 1907, van de Grifformeerde Gemeênten. Mie Gerrit Hendrik Kersten was um een van de drievende krach'n achter de 'vereêniging van 1907'.
Beversluis wier geboôr'n in Nieuw-Beijerland. Vâder Jan Beversluis was tummerman en 'doôdbidder'. Op jonge leeftied kwam um tot bekerieng. Nadat um eerst veldwachter was geworre, wier'ten schoolmeêster. Dirnae voelende de roeping om doômenee te worren, bie de Ledeboerianen. Eerst was'n bienae tien jaer as oefenaer actief. Beversluis was 'n groôt voorstander van de vereêniging mee de zogenaemde Kruusgemeênten. Ie was de praeses van de synode van 1907, de vergaedering waarop een deel van de Ledeboerianen zich vereênigde mie de Griffermeêrde Kerken onger het Krues toet de Grifformeerde Gemeênten. Kersten was voorzitter. Nae deze verêniging nam um in 1908 een beroop an nae Paterson in de Amerikaense staet New Jersey. Die gemeênte van de Netherlands Reformed Congregations 'eit un tot an z'n emeritaat gediend. In 1931 is'n 'esturreve.
Trivia
bewerk- In Gouda is een schole naar um 'enoemd.
Literatuur
bewerk- ds. C. de Jongste "Lieflijkheid en samenbinders. Facetten uit de kleine kerkhistorie rondom ds. Nicolaas Hendrik Beversluis, praeses synodi 1907", uutgeverieje Gebroeders Koster, Barneveld, 2007; ISBN 978 90 5551 416 8