Hoofdmenu openen

Bernardus Smietegelt

(Deurverwezen vanaf Bernardus Smytegelt)

Bernardus Smietegelt ok wè Smytegelt, Smytegeld of Smijtegeld, (Goes, 20 auhustus 1665 - Middelburg, 6 meie 1739) was een bekende Zeêuwse dômenee. Ie weir 'eboren in Goes en was gereformeerd predikant in Bossele (1689-1692), Goes (1692-1695) en Middelburg (1695-1735). Ie is één van de mist 'elezen stichtelijke auteurs in bevindelijk grifformeerde krieng 'eworren.

In um z'n gemeênte zat een vrouwe die aol z'n preken uutschreef. Zelf woe 't dat nie, mar aol tiejes z'n leven wiere d'r preken uut'egeve. Nae um z'n doôd wiere d'r vee meer uut'egeven. De bekende uutgaove was de 145 preken tellende serie Het gekrookte riet. Um was eên van de weinige predikanten die principieel de slaeven'andel ofwees, wat um nie geliefd mikte bie de koôplui van Middelburg.

Over um deeje verscheie volksverhaelen de ronde. De bekensten is het ok noe nog vertelde verhael over de engelenwacht. Op een aevond wier um op'ewacht bie de Heerengracht deu tweê mannen die um flienk an woue pakke. Toe a 't over de brugge kwam bleek um nie alleênig te wezene. Toe a de mannen da laeter vertellende bleek da Smietegeld wè allenig was. Dan moss't wê iengelen 'ewist ao...

Belangriekste publicaotiesBewerk

  • Drie uytmuntende godzalige leerredenen ('s Gravenhage, 1736; illegaole uutgaove, laeter geautoriseerd deu de officiële uutgever van Smietegelts preken)
  • Des Christens eenige Troost (Middelburg, 1742; 19e druk: Houten, 1986) ISBN 90-331-0139-4
  • Des Christens Heil en Cieraet ('s Gravenhage/Middelburg, 1740; 11e druk: Rijssen, 1974)
  • Het gekrookte Riet ('s Gravenhage/Middelburg, 1744; 2 dln.; 8e druk: Houten, 1974) ISBN 90-331-1375-9
  • Keurstoffen ('s Gravenhage/Middelburg, 1765; 13e druk: Houten, 1989) ISBN 90-331-0140-8
  • Een woord op zyn tyd ('s Gravenhage/Middelburg, 1744-1745; 2 dln.; 7e druk: Houten, 2002)

LiteratureBewerk

  • M.J.A. de Vrijer, Ds Bernardus Smytegelt en zijn Gekrookte riet (Amsterdam: Spruyt, 1947; herdruk Utrecht: De Banier, 1968)
  • Fred van Lieburg, De engelenwacht: Geschiedenis van een volksverhaal (Kampen: Kok, 2000) ISBN 90-435-0262-6
  • S.D. Post, Bernardus Smijtegelt: dienstknecht van God (Houten: Den Hertog, 2001) ISBN 90-331-1522-0
  • S.D. Post, Bernardus Smijtegelt, leven en werken (Kampen: De Groot Goudriaan, 2006) ISBN 978-90-6140-963-2

Externe verwieziengBewerk