Zeêlieven
| Zeêlieven | ||||||||
|---|---|---|---|---|---|---|---|---|
 Zeêlieve | ||||||||
| Taxonomische indeêlienge | ||||||||
| ||||||||
| Femielje | ||||||||
| Haematopodidae (Bonaparte, 1838) | ||||||||
Zeêlieven bin 'n fermielje (Haematopodidae) en 'n geslacht (Haematopus) van veugels uut de orde Steltloôperachtegen.
't Bin vrie groôte, gedroenge veugels mee 'n lange snaevel, die-a dient om weêkdieren uut de grond te snokken en ulder schaelen open te kriegen. Nessens weêkdieren frete ze ok wè wurmen. Door ulder dieet leve ze gewoonlijk bie de zeê, a komme ze vo te fourageren ok nae 't binnenland.
Ulder verekleêd is zwart, zwart mee wit of soms bruun mee wit. De snaevel en poôten bin roôd, oranje of vleiskleurig. D'r is gin uterlijk verschil tussen ventjes en wuufjes.
Ze komme in groôte deêlen van de waereld vo in de buurte van zeêën. In Zeêland, en in Europa in 't algemeên, is t'r eên soorte: d'n bonte piet.
Soorten
bewerk- Zuud-Amerikaonse zwarte zeêlieve (Haematopus ater)
- Noord-Amerikaonse zwarte zeêlieve (H. bachmani)
- Chathameilandzeêlieve (H. chathamensis)
- Austraolische zeêlieve (H. fuliginosus)
- Magelhaenzeêlieve (H. leucopodus)
- Austraolischen bonte piet (H. longirostris)
- Canaorische zeêlieve (H. meadewaldoi; uutgesturve)
- Afrikaonse zwarte zeêlieve (H. moquini)
- Bonte piet (H. ostralegus)
- Amerikaonsen bonte piet (H. palliagus)
- Nieuw-Zeêuwse zwarte zeêlieve (H. unicolor)