Toponiem

Een plekkenaem (Grieks: topos=plekke, nomos=naem) is hewoonwig de naem van een plekke. Een toponiem is de heograofische entiteit van een plekke dus stit 't helieke an een plekkenaem. Een toponiem wor vaok ofeleid van opvall'nde object'n in de buurte.

Geschiedenis toponiem'n

Durpen, steeën, hehuchjes en buurtschapp'n dank'n der naem vaok an een persoôn, een bepaeld opvall'nd object of een bepaelde hebeurtenis die a di plekke von. Sommihe naemen stamm'n a uut de Romeinse tied, as Noviomagus (Nijmehen) en Trajectum ad Mosam (Maestricht). Aore naemen, eindihend op -horst, -laer en -bos stamm'n uut onheveêr duzend ni Christus. Vee naemen zien ni aol die eêuwen verbasterd as a Byzueden (ten zuuden van) Bazuin wier.

Achternaemen

Ok zien vee achternaemen ontstaen uut de plekkenaem. Naemen as van Kruiningen kunn'n der oorsprong vinn'n in Kruniengen, van Woerden in Woerden, enzovoort.

Boek'n

Der zien ok boek'n die an naemen van topohrafische plekk'n verklaeren, onder are:

• Lexicon van Nederlandse Toponiemen tot 1200, Künzel R., D. Blok en J. Verhoeff, Amsterdam

1989, uitg, Meertens Instituut

• Nederlandse plaatsnamen, Herkomst en historie, G. van Berkel en K. Samplonius, uitg. Spectrum 2007

Langste plekkenaemen

Der zien verbijsterend lange plekkenaemen te vin'n op de waereld, zo lange as a'j deskundihe mo zien om ze uut te spreken. De langste zien de volhende:

• Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit (Thais: กรุงเทพมหานคร อมรรัตนโกสินทร์ มหินทรายุธยามหาดิลกภพ นพรัตน์ราชธานี บุรีรมย์อุดมราชนิเวศน์มหาสถาน อมรพิมานอวตารสถิต สักกะทัตติยะวิษณุกรรมประสิทธิ์) (163 letters) Den officiële naem van Bangkok

• Tetaumatawhakatangihangakoauaotamateaurehaeaturipukapihimaungahoronukupokaiwhenuaakitanarahu (92 letters) Heuvel in Nieuw-Zeêland.

• Llanfairpwllgwyngyllgogerychwyrndrobwllllantysiliogogogoch (58 letters) Plekke in Wales