Struusveugel

Struusveugel
IUCN-status: Veilig

Struusveugel

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves}
Orde:	Struusveugelachtegen (Struthioniformes)
Femielje:	Struusveugels (Struthionidae)
Heslacht:	Struthio

Soôrt

Struthio camelus
(Linnaeus, 1758)

De struusveugel (Struthio camelus) is eên van de twi soôrten uut de femielje van de struusveugels (Struthionidae). De struusveugel leef op droôg hosland en woestijnachtehe hebied'n in Afrika. 't Is de hroste nog levende veugelsoôrt.

Kenmerk'n

De struusveugel wor hemiddeld zo'n 2,5 meter lange en kan nie vliehen. Ie ei hroôte en sterke poôten wimie a 't een ard kan trapp'n en kan renn'n toet 60 km/u, wat a 't een een alf ure volouw. Ie verdedig zen eihen dan ok tehen hroôte katachtehen deur ard wig te loôpen of te trapp'n. De heslachen zien uterlijk verschill'nd. 't Ventje is zwart mie een witte staert, 't wuufje is bruun. Struusveugel èn een vreêt hoed hezichsvermohen.

Hedrag

Struusveugels zien nomadische veugels en hoed anepast an 't leven in de woestijn; ze kunn'n lange zonder waeter. Ze komm'n onder aore an waeter deur dit op te neem'n uut de plant'n die aon ze eetn. Neffen plant'n eetn ze ok kleine hewurvelde beêsten.

Broedhedrag

Struusveugel vurmen pèrn, mè 't ventje pèr mie verschill'nde (3 toet 5) wuufjes. Deze lèn der eiers in een hemeênschappelijke nistkule, wiruut a 't dominante wuufje mistal ienkele eiers (die van der rivaol'n) verwijder. Bie de balts verlei 't ventje de wuufjes deur te hen zitt'n op de hrond en mie zen vleuhelpluum'n te zwaoien. Beie ouwers zurhen voe de jonge.