Veêrdienste van Wolfersdiek nae Kortjeen: verschil tussen versies

Verwijderde inhoud Toegevoegde inhoud
Ouddorp (Overleg | biedraegen)
Geen bewerkingssamenvatting
Ouddorp (Overleg | biedraegen)
Geen bewerkingssamenvatting
Rehel 1:
{{wiu}}
[[Plaetje:Wolphaartsdijk Veerse Meer.JPG|250px|thumb|Ier vearende de veêrdienst]]
De '''Veêrdienste van Wolfersdiek nae Kortjeen''' was een veêrdienste over het [[Veerse Meer]] tussen de plekken [[Wolfersdiek]] en [[Kortjeen]]. De dienst wier ongerouwen due de [[Provinciaole Stoômboôtdiensten in Zeêland]].
 
==Geschiedenisse==
Op [[1 jannewari]] [[1913]] namme de 'eren van het provinciebestier de veêrdienst voor ulder rekening, deur het veerrecht te 'uren van de ambachtseerlijkeden van Wolfersdiek en Kortjeen. Er bestong naemelijk een veerrecht van Wolfersdiek nae Kortjeen mae ok een veerrecht voor Kortjeen nae Wolfersdiek. De schippers van aollebei de kanten hao een 'oôgaers. De 'uur van het veerrecht was 450 gul'n in het jaer. De schippers kregen salaris van de PSD en mosten de inkoms'n ofdraege. Er wier een nieuwe moterboôt gebouwd voo de veêrdienst, de ''Zuidvliet''.
 
==De Zandkreek==
De ''Zandkreek'' was de veerboot, die a van [[Kortjeen]] nae [[Wolfersdiek]] vaerde over 't tehenwoordige [[Veerse Meer]]. Die bóót ö 'n kappesiteit van 300 passezjiers en 9 auto's. De moter, die a t'r in zat was 'n vier cylinder twitakt, 'n [[Duutsland|Duutse]] diezelmoter. Op die bóót voere vier manschappen: 'n stuurman, 'n machinist, 'n kondukteur en 'n dèkknecht. Dan was t'r nog 'n rezèrve, die a dienst dee a t'r êên 'n vriejen dahö.
 
Je stong as veermansknècht zeven daehen achter mekoare, van 's ochens zèsse toet 's aevens ealve, 104 uren in de weeke. D'n achtsten dag kreeg je 'n vriejen dag en dan most de rezèrve invalle. 't Lóón da m'n verdiende was ƒ 17,50 in de weeke en m'n kreehe één weeke vekansie in 't jaer mee „behoude van soldij". Ok dan most de rezèrve voo je invalle.
 
Die veerboot wier hepacht deu twi veerschippers. Eén an de Kurtjeense kant en êên an de Wolfersdiekse kant. An iedere kant ó ze 'n kefé, wir a de kondukteur nae achte 't geld van de kaertjes most brienge, d'êêne weeke bie d'n êênen en d'oare weeke bie d'n oaren. De rezèrve was in dienst bie de veerschipper an de Kurtjeense kant. At'n nie most vaere, most'n oal de pakjes die a mee de pont meekwaeme nae 't durp brienge.
 
In [[1932]] toe de boot indienst kwam oa-je nog nie vee vrachtauto's, die over kwaeme vaere, 't Mêêste vrachtgoed most los over de bóót vervoerd óóre. En as persenêêl mos-je dat dan oalemaele an boord brienge en ok weej op de karren van de bodes 'ealpe, die a t't san wee varder brochte. De post ö m'n twi kêêr op 'n dag. De bussen die a toen op [[Noord-Beveland]] reeje, naeme de post mee van [[Kamperland]], [[Wiskearke]], [[Hirsdiek]] en [[Kusplaete]]. 't Personeel van de bóót most die post dan in 'n postkiste doewe, die a m'n an de Wolfersdiekse kan(g)t in de bus brochte, die a nae [[Hoes]] ree. De bruhhe ö drie standen: oahe, middel en lêêhe. Dien lêêhen was was d'n beroer sten, wan tie ó 'n verval van 3.45 meter en di mos-je ok op mee oal da vrach'oed.
 
'n Paer jaer laeter è ze de bóót langer hemaekt. Toen konne d'r 12 auto's mee. Dat was 'n êêle verbeterienge. Zö rond de jaeren [[1937|'37]], [[1938|'38]] kwaeme d'r oalmè méér auto's op 't eiland. Vornaemeluk op diesendaehen en oagdaehen was 't vee druk. 't Gebeurde wè's dat 'r verschillende auto's moste bluvve stae tö te volhunde reize.
 
==Zie ok==