Zuud-Beveland: verschil tussen versies

In de prehistorie en de Romeinsen tied was Zeêland groôtendeêls landmasse en goed beweund. Daer kwam in de [[derde eêuwe|derde]] en [[vierde eêuwe]] 'n ende an deu groôte overstroômiengen en de eêuwen daenae was 't laetere eiland zoô goed as onbeweund. In de [[middeleêuwen]] wieren de slikken bitje bie bitje bediekt en kwam d'r weer beweunienge. Ok de [[visserie]] is eel belangriek. De rieke vruchtbaere grond van de slikken bin goed geschikt vò landbouw. In de [[tiende eêuwe]] duukt Goes op. De volgende eêuwen is [[Reimerswaol (stad)|Reimerswaol]] de belangriekste plekke van 't eiland. Dat bleef zoô toet de [[Sint-Felixvloed]] in [[1530]] groôte stikken land rond die stad wigspoelde. Laetere sturmvloeden maekten 't eilandje daer-a de stad op lag nog kleiner, toetdat ze uutendelienge verlaete wier; 't land daer-a Reimerswaol oôit op lag eêt 't [[VerdoenkeVerdroenke Land van Zuud-Beveland]]. Ierdeu bleef Goes as eênegste stad over. In d'n [[Tachentegjaeregen Oorlog]] ao 't gebied vee te maeken mee oorlogs'andeliengen. Opvallend was dan lokaole eren ier en daer 't [[katholicisme]] beschermde, ok a wier van bovenaf 't [[calvinisme]] opgeleid. 't Bleef nae d'n oorlog rusteg in Zuud-Beveland en vanaf de [[achttiende eêuwe]] stagneerde 't gebied zienderoôgen. In [[1868]] kwam Zuud-Beveland uut z'n isolement deu de spoorverbindienge mee [[Roôzendael]] en 'n paer jaer laeter mee [[Middelburg]] en [[Vlissienge]]. Ok wier in dien tied ([[1866]]) 't [[Kanaol deu Zuud-Beveland]] geopend. In d'n [[Tweêde Waereldoorlog|Oorlog]], op [[16 meie]] [[1940]], wier d'r 'n zwaere slag geleverd bie Kapelle, daerbie vee [[Frankriek|Franse]] soldaoten sneuvelde. In [[1950]] wier d'r vò ulder 'n militair kerk'of ingesteld. Bie [[de Ramp]] op [[1 februari]] [[1953]] wier Zuud-Beveland groôtendeêls gespaerd; wat-a onder waeter kwam te staen lag minder diep as bevobbild [[Schouwen-Duveland]], zoôdan d'r ier vee minder doôien viele. De [[Deltawerken]] è gezurgd vò 'n dam mee [[Noord-Beveland]]. In [[1970]] kwam d'r 'n gemeêntelike erindeêlienge die 't antal gemeênten vrommebrocht toet vier.