Belse opstand: verschil tussen versies

De '''Belse opstand''' of '''Belse Revolutie''' was een gebeurtenis in het behun van de 19e eêuw. De noordeleke en zuujeleke Nederlan'n wiere in [[1815]] saemen gevoegd op het [[Congres van Wenen]]. De verschillen tussen 't noor'n en 't zuujen waere groôt en 't zuujen voelende z'n eigen achtergesteld. In 1825 leek de nieuwe staet echter geaccepteerd, mae vanof 1818 ging 't weer mis. D'r wiere aollerlei petities nae [[D'n Aegt]] 'ezonde. In [[1830]] sloog de vlamme in de panne. De opera ''La Muette de Portici'' in de Koninklijke Muntschouwburg van [[Brussel]] ontaerdt op 25 auhustus van dat jaer in rellen en vurmt de anleiding van de Belse Revolutie tegen koning Wullem I. In [[1831]] toog Wullem I nae 't zuujen om de orde te 'erstellen. Dat lukkende aerdig, mae de groôte Europese lan'n steunende um nie. Maestricht bleef in Nederlandse 'anden, dankzij ut in de stad anwezige garnizoen. Zoô bleef de stad toet an [[1839]] Ollans, mae de rest van Nederlands Limburg was in Belhische 'anden, de bevolkieng had zich immers achter de opstand 'eschaerd. Maestricht was een geisoleerde 'Ollandse stad in Bels hebied. Pas in [[1839]] wier de [[België|Belse]] [[onafankelijkeid]] deu [[Nederland|Olland]] erkend. Koning Willem I ongerteêkent het Verdrag van [[Londen]] en erkent deermee het Koninkriek [[België]]. Nederlands [[Limburg]] komt bie Nederland. Luxemburg wor 'esplitst in een Bels en een zelfstandig deel, weer koning Willem I in personele unie Groôthertog wor.