Den Briel: verschil tussen versies

Verwijderde inhoud Toegevoegde inhoud
Geen bewerkingssamenvatting
Geen bewerkingssamenvatting
Rehel 1:
'''Den Briel''' is een vestiengsta'ie op [[Voorne-Putten]] in [[Zuud-'Olland]]. D'r weune nog gin 10.000 meêssen. Dit kleine sta'ie spelende een belangrieke rol in de Nederlanse geschiedenisse, toe op [[1 april]] [[1572]] de stad z'n eige as eêrste overgevende an de Geuzen. Dit wast eêrste groôte waepenfeit van Nederlanse kant in de [[Tachentigjaerige Oôrlog]]
 
Leater wier 't een slaeperig sta'ie. De Briele Maes verzande steeds varder en in de 19e eeuw wiert [[Kanaol deur Voorne]] 'egraeve, weerdeur Den Briel in een uuthoek kwam te liggene. Nae anleg van de Nieuwe Waeterwegt kwam d'r himmaele gin schip meer langs. In de jaeren '50 van de twintigste eêuwe wier voor de poorte van Den Briel d'n Europoort an'eleid. Dat heit ut anzicht vant sta'ie gin goed 'edea. A'j noe an komt rieje vanaf [[Goeree-Overflakkee|Flakkeê]] over de [[Rieksweg 57|N57]] zie je een woud van hoôgspanniengsmas'n, febriekpupen en windmeules, weertussen de eêns zo majestueuze toren van Den Briel stoôt.
 
In de jaeren '50 wor de Brielse Maos himmeale of'edamt. Den Briel komt dan ant Briele Meer te liggene. In de tweêde helt van de twintigste eêuwe ist sta'ie iets uut'ebreid mit een antal wieken, mar qua inweuners wiert overvleugeld deu [[Hellevoet]] en [[Spiekenisse]]. Rond Den Briel is aok wat glastuunbouw te vindene.
 
Onger Den Briel valle de plekken [[Zwartewaol]] en [[Vierpolders]].