Den Briel: verschil tussen versies
Nieuwe bladzie mee as inoud: '''Den Briel''' is een vestiengsta'ie op Voorne Putten in Zuud-'Olland. D'r weune nog gin 10.000 meêssen. Dit kleine sta'ie spelende een belangrieke rol in d... |
(geen verschil)
|
Versie op 22 okt 2012 18:53
Den Briel is een vestiengsta'ie op Voorne Putten in Zuud-'Olland. D'r weune nog gin 10.000 meêssen. Dit kleine sta'ie spelende een belangrieke rol in de Nederlanse geschiedenisse, toe op 1 april 1572 de stad z'n eige as eêrste overgevende an de Geuzen. Dit wast eêrste groôte waepenfeit van Nederlanse kant in de Tachentigjaerige Oôrlog
Leater wier 't een slaeperig sta'ie. De Briele Maes verzande steeds varder en in de 19e eeuw wiert Kanaol deur Voorne 'egraeve, weerdeur Den Briel in een uuthoek kwam te liggene. Nae anleg van de Nieuwe Waeterwegt kwam d'r himmaele gin schip meer langs. In de jaeren '50 van de twintigste eêuwe wier voor de poorte van Den Briel de Europoort an'eleid. Dat heit ut anzicht vant sta'ie gin goed 'edea. A'j noe an komt rieje vanaf Flakkeê zie je een woud van hoôgspanniengsmas'n, febriekpupen en windmeules, weertussen de eêns zo majestueuze toren van Den Briel stoôt.
In de tweêde helt van de twintigste eêuwe ist sta'ie iets uut'ebreid mit een antal wieken, mar qua inweuners wiert overvleugeld deu Hellevoet en Spiekenisse.