Groôt-Abeêle: verschil tussen versies

Verwijderde inhoud Toegevoegde inhoud
Wasschappelaer (Overleg | biedraegen)
Nieuwe bladzie mee as inoud: '''Groôt-Abeêle''' is'n buurtschappe in de Zeêuwse hemeênte Vlissiengen, tun noôrden van Oôst-Soeburg en nie var tun zuuwen van de [[Middel...
(geen verschil)

Versie op 15 okt 2012 17:33

Groôt-Abeêle is'n buurtschappe in de Zeêuwse hemeênte Vlissiengen, tun noôrden van Oôst-Soeburg en nie var tun zuuwen van de Middelburgse Erasmuswieke. 't Bestaet uut'n straete mee'n paer uuzen, wìvan sommige redelijk bezienswaerdig bin. Blikvanger is't negentiende-eêuwse eêrenuus Huize Abeele, uut 1848. In vroeger tiede was Groôt-Abeêle een populaire pleisterplekke voh dagjesmeêssen uut Vlissiengen en Middelburg. Der stoenge drie herbergen. Klein-Abeêle was'n nog kleiner ge'ucht, enkele onderde meters ten noôrden van Groôt-Abeêle an de Ouwe Vlissiengseweg. De leste resten van dit ge'ucht bin bie de inundaotie van Walchren in 1944 verdweêne.

Deur't graeve van't Kanaol deu Walchren omstreêks 1870, kwam een deêl van de Abeêlseweg an de overzieje van't kanaol te leiën. Tegen't kanaol an, lans de tramlijn Vlissienge - Middelburg, ontwikkelde zuch'n nieuw buurtschappe: Nieuwe Abeêle (eertieds hemeênte Oôst- en West-Soeburg, noe in de hemeênte Middelburg). B'alve landarbeiders die wêrrekte op de boerderieën an en ron de Abeêlseweg, kwaeme oôk arbeiders van de tremmaatschappij in Nieuwe Abeêle weune.

Twì uuzen in Groôt-Abeêle (Uuze Abeêle rechs)