Trogons: verschil tussen versies

Verwijderde inhoud Toegevoegde inhoud
Tamatauenga (Overleg | biedraegen)
Trogoniformes
(geen verschil)

Versie op 7 nov 2007 16:07

Trogoniformes (Trogons en Quetzals)

De orde van de Trogoniformes besti mè uut 1 femielje, de Trogonidae. De femielje Trogonidae besti uut trogons en quetzals, veugels die an leven in tropische bossen over de ele waereld. De miste trogons komm'n echter wè voe in Midden- en Zuud-Amerika. Allin 't heslacht Apaloderma bevat Afrikaanse sôorten en 't heslacht Harpactes Aziatische sôorten.

Trogons eetn insecten en fruit. Trogons èn korte, dikke snaevels, zwakke pôoten en een breeë en lange staert. Der vlucht is flienk, desondanks vliehen ze hin hrôote afstan'n. Trogons trekk'n ok nie. Trogons zien vâak opvallend hekleurd, en de wuufjes èn een âar verenklêed dan de ventjes. Opvall'nd is dan de miste metaalhroen en helderrôod zien ekleurd. Vee trogons èn ok een kaele oogrienge, die a hekleurd is. De twi têen'n an elke pôot wiezen bie trogons ni achter.

Ze nestel'n in boomhool'n en termietennest'n. Ze lèn pastelkleurihe eiers. De trogons uut 't heslacht Pharomachrus worn quetzals enoemd. De trogons zien 't miste verwant mie de vetveugel (Steatornis caripensis), de enihe veugel die a 'n nachtelijke vrucht'neter is. De vetveugel leef in grotten in Zuud-Amerika. De trogons en de vetveugel a'n dezelven voorouwer.

Indêelieng

Uutesturven heslachten: