Queensland: verschil tussen versies

Queensland is un dêelstaet int noortôostn van Australie. Queensland ei een oppervlak van 1.730.648 km2 en wor dibie de op een ni groste dêelstaet van Australie. De ôodstad van Queensland is [[Brisbane]] en das ok de groste stad. De naem is afeleit van Queen Victoria, de konuhinne in de tied a Australie een kolonie was. Ok is ter noe een staet Victoria. Queensland ei oengeveer 4 miljoen inweuners, wivan oengeveer 77 procent christeluk is, 1% hindoe en boeddhist en de rest onchristeluk.

 

In Queensland wor een tropisch en un subtropisch klimaet onderscheien. In de oerwoudn komm'n diersôortn voe die an nergus ars voorkommn. Der zittn vurral vee endemisch veuhels. Een pèr voorbeeldn: [[Australische salanhaan]], [[Victoriaheweerveuhel]], [[zwartkopraltimalia]] en [[roestflankelfje]].

 

In 't nôorn lig Kaap York, das de stekel van Australie vlakbie Nieuw-Guinea. 't wessen van Kaap York lih an de [[Holf van Carpentaria]] en t ôsten an de Hrote Oceaan. In t wessen hrens Queensland an Northern Territory en in t zuuden an New South Wales. An de ôostkant zien de dichtsbieziendste eilannhroepn de [[Solomoneilan'n]], [[Vanuatu]] en [[Nieuw-Caledonie]].