Zuud-Beveland: verschil tussen versies

Verwijderde inhoud Toegevoegde inhoud
Ouddorp (Overleg | biedraegen)
Geen bewerkingssamenvatting
Ouddorp (Overleg | biedraegen)
Rehel 5:
Uut d'n Romeinsen tied weeten me nie vee over Zuud-Beveland. Vee mensen weunden d'r in elk geval nie. Rond 't jêr 275 of dirromtrent is t'r 'n tied ewist van vee hróóte overstrómuhhen. De weinuhhe mensen die a t'r toen weunden bin wihetrokken en 'n pêr 'onderd jêr ei 't waeter vrie spil ehad. Deur dat kommen en haen van 't waeter kwammen d'r schorren. Heleideluk an kreeh je op sommugte plekken brêêje heulen die open bleeven: de Schelde, de Zandkreeke, 't Schenge, 't Zwaeke en d'Onte en ditussen kreeh je stikken land, 't zóhenaemde Ouwe Land (Oudlandkernen). Di is Zuud-Beveland uut ontstaen: de Brêêje Waeterienge (t'n öösten en westen van [[Iese]]), 't stuc land tussen „'Onte en 'lenkelienge, 't eiland van Bossele en Wolfersdiek. In de Brêêje Waeterienge an de westkant van lesse kü'j nog goed 'n p'tróón van kreekrikken (kreekruggen) zien zoas ze die noemen.
 
Pas in de 9e en 10e êêuw hiengen d'r wee mensen in dit schorrenland weunen. Da gebeurde natuurluk op de kreekrikken die a óhe lahhen. In d'Iessese Moer kü'j noe nöh zien da de weehen di 't kreekenp'tróón volhen. d'Ouste weunplekken bin: [[Weumelienge]], lesse[[Iese]], [[Kapelle]], [[Kloetuhhe]] en [[Hoes]]. De naemen van die plekken bin a in de tiende êêuw bekend en de durpen lihhen dan ok op de méést brêêje kreekrikken. Ok 't ouwe Bossele, Kruunuhhe, Sabbienge worren in dien tied a enoemd. In die plekken wier'n ok d'ouste kerkjes ebouwd, bienae aoltied op 'n plekke, di a twi weehen bie mekaore kwammen.
 
Dat stik grond in de buurte van de kerke wier óher emikt en rond de kerke kreeh je dan 'n durpskomme, soms een durpsrienk (dorpskern). Da öpóhen van de weunplekke is vee hebeurd nae de hróóte vloed van 1014. d'Elfde en de twelfde êêuw is d'n tied van 't bedieken en nae dat bedieken ontstaen d'r vee nieuwe durpen, ok in de Poel. Tussen 1300 en 1500 behunnen de mensen buutendieks stikken schorre in te polderen. D'êèste polder die a zö is ontstaen is 's Gravenpolder. Dat was in 1316. In dien tied bin d'r êêl vee hróóte en klein' overstrómuhhen ewist. De hevolhen divan küj noe nöh zien an de wêélen op sommugte plekken, zöas die bie de Brilletjesdiek. Die diek is tussen 1506 en 1554 zeker vier kêêr deurebrooken.