Waeterschap: verschil tussen versies

Een '''waeterschap''' of '''oôgheêmraedschap''' is un [[overheid]]sinstantie die in un bepaelde [[regio]] in [['Olland]] toet taek eit de [[Waterbeheer|waeteruusoudienge]] te regelen. Oôk oôr de tèrum ''waeterschap'' gebruukt om de regio an te duden waerover die instantie zeieschap eit. 'T gebied oôr nie bepaeld deur hemeênte- of provinsjiegrenzen, mè deur [[stroômgebied]]en of afwaeteriengsgebieden in un bepaelde regio. As un waeterschap an zeê leit, oôr dit mee naeme in [[Zuid-Holland|Zuud-]] en [[Noôrd-Holland|Noôrd]]-'Olland un oôgeêmraedschap enoemd. Per [[1 januari|1 januaori]] [[2011]] bin dur 26 waeterschappen in 'Olland.

Waeterschappen vurme letterlijk de basis van 't [[poldermodel]]: van oudsher eh waeterschappen de taek naemens de beweuners van een bepaeld gebied de waeteruusoudienge te regelen. In [[polder]]s is da in eeste instantie de zurg voh de [[peil|waeterstand]]. Weliswaer eh [[gemaal (kunstwerk)|gemaelen]] vriewe overoal de taek van de [[windmeulens]] overenome, mè nog oaltiet bluuft ut land nie vanzeluf droôg. 'T buten ouwen van ut [[waeter]] is van oudser un [[algemeên belang]], waerbie polderbeweuners genoôdzaekt waere saemen te wêrke. Uut die noôdzaekelijke saemenwerkienge bin de waeterschappen ontstaen. Die nimme oôk in de 'Ollandse [[rechtsgeschiedenisse]] un biezondere plelplek in.