Land-van-Aksels

't Land-van-Aksels is 't dialect gesproke in 't midden van Zeêuws-Vlaonderen, dat wil zeie: in 'n deêl van de gemeênte Terneuzen, in Terneuzen, Oeke, Zaomslag, Sluuskil en Aksel. Deu de zudelikere kleurienge en de groôte verschillen mee 't Zeêuws van boven de Onte oor 't dialect ok wè bie 't West-Vlaoms ingedeêld; mae meêstal oort 't toch bie 't Zeêuws getrokke.

De Zeêuwse klank ae vò de Standerdnederlandse aa komt ier nie vò, of 't zou vò 'n r moete weze. In plekke daervan klienkt 'r 'n ao. Van d'n uutgang -en oor alleêne de n uutgesproke (lettergreepdraegende nasaol eêt dat). Toch stae de dialecten uut dit gebied korter bie 't aore Zeêuws as 't Land-van-Kezands. 't Woôrdje gie/hie komt ier bevobbild nie vò; dae zeie ze jie vò.

'n Bekende muziekact in 't Land-van-Aksels bin de Lamaketta's, die in de zeumer van 2006 'n plaetselike zeumer'it aodde mee Joehoe.

Lienk nae buten

• 't Ver'ael van de Verlore Zeune in 't Land-van-Aksels