Zuud-Bevelands: verschil tussen versies

De Zuud-Bevelandse dialecten ore, mee 't Walchers en 't [[Noord-Bevelands]], soms bie 't ''Midden-Zeêuws'' gerekend. Dat betekent onder meêr dan d'r meêr gevallen van [[umlaut]] vòkomme as in 't noorde, en dan d'r bedudend minder [[Vlaoms]]e taelinvloeden bin as in [[Zeêuws-Vlaonderen]]. De typisch Zuud-Bevelandse uutspraek van de ''ae'' is 't bekendste kenmerk: d'r klienkt op die plekke meêstal 'n ''î''. In de [[Noe]]-spellienge oor dien klank geschreve as ''aê''. 'n Ander klankverschiensel is 't verkorten van vee woorden mee in 't Walchers 'n ''eu'' (''beuter'' > ''butter'', ''zeumer'' > ''zummer''). De [[g]] klienkt op Zuud-Beveland meschien nog wè zwakker, meêr [[h]]-achteg, as ergest aors in Zeêland. Op Zuud-Beveland bin de woordvarianten ''of'', ''mie'' en ''voe'' te 'oren (in plekke van ''af'', ''mee'' en ''vò''). D'n uutgang bie abstracta van [[werkwoord]]en is ''-ege'' (tegenover ''-ienge'', dus ''verkerege'', ''slutege''). D'r is op Zuud-Beveland maer eên infinitief; die endegt aoltoos op ''-en''. [[Voltooid deêlwoord|Voltooide deêlwoorden]] ore gevurmd mee ''e-'', nie mee ''ge-''.