'''Belhië''' ([[Frans]]: Belgique, [[Duuts]]: Belgien) officieel ’t '''Konienkriek België''', is 'n [[West-Europa|West-Europees]] [[land]] begrensd deu de [[Noôrdzeê]] in ’t westen, [[Nederland]] in ’t noôrden en noôrdoôsten, [[Duutsland]] in ’t oôsten, [[Luxemburg]] in ’t zuudoôsten en [[Frankriek]] in ’t zujen.
België bestaet uut drie verschillende taelgemeênschappen, 'n "Nederlandstaeleg", "Franstaelege" en "Duutstaelege" gemeênschap, en is federaol verdeêld in drie [[gewest]]en: [[Vlaenderen (gewest)|Vlaenderen]], [[Wallonië]] en [[Brussels Oôdsteêdelik Gewest|Brussel]].
== Heschiedenisse ==
De oôrsproenkelijke bevolkienge van Belhië bestoeng uut ienkele Keltische stamm'n. Deze wiern in de Romeinse tied binn'n 't hebied tussen de [[Noôrdzeê]], de Rien, de [[Seine]] en de Marne ok aneduud as ''Belgae''. 't Hebied maekn toen deêl uut van 't [[Romeinse Riek]].
In de [[middeleêuwen]] wier 't 'udihe Belhië verdeêld onder Frankriek en 't Duutse Riek, wibie a de Schelde de hrens was. In de 15e eêuwe wier 't et 't bezit van de Habsburhers en op 't ènde van de 18e eêuwe kwam't in an'n van de Franse. In 1830 von de [[Belhische Rivvolutie]] plekke en wier Belhië 'n onafankelijke constitusjonele monarhie.
In den [[Eêste Waereldoôrlog]] wier Belhië bieni aelemille bezet deur [[Duutsland]], behalve 't hebied achter de Iesder bleef in Belhische an'n. In de [[Twidde Waereldoôrlog]] haf 't Belhische leher nae achttien daehen de stried op en capituleern, winae a 't aele land wier bezet. In september '44 wier 't deur de heallieern bevrijd.
== Provincies von België ==
* [[West-Vlaonderen]]
* [[Oôst-Vlaonderen]]
* [[Antwerpen]]
* [[Limburg (België)|Limburg]]
* [[Vlaoms-Braebant]]
* [[Waols-Braebant]]
* [[Enegouwe]]
* [[Namen]]
* [[Luik]]
* [[Luxemburg (provincie)|Luxemburg]]
== Demohrafie ==
De Belhische bevolkienge besti uut drie hemienschapp'n: de [[Vlaomiengen]], de [[Waolen]] en de Brusselaers. De eêste hroep is [[Nederlands]] spreek'nd en vurm de hroste hroep, de twidden spreek [[Frans]] en is de twidden. De Brusselaers zien een krusieng iertussen vanwehe de twideêlieng in 't oôdstedelijk hewest. Vadder is der 'n kleine hroep Duutstaelihen.
De hroei van de Belhische bevolkienge neem of. Dit is ok te ziene in aore lan'n binn'n [[Europa]] en dus hin vreemd verschiensel. De vruchbaereid van de Belhische vrouwen lig op 1,56 huus hemiddeld wat a du op 'n verouwernde bevolkieng: 15% van de bevolkieng is ouwer dan 65. De levensverwachtieng voe venters is 75 en die voe vrouwen 81.
== Natuur ==
Belhië ei, ondanks da 't 'n klein land is en 'n hroôte bevolkiengsdichteid ei, vee bos. Eên van de onherepste Belhische stikk'n natuur, is de [[Ardenn'n]]. Dit kom ok deur de laehe bevolkiengsdichteid in dit hebied. In [[Wallonië]] is 'n derde van 't oppervlak bebost.
Een belangriek Belhisch natuurhebied is de [[Oôhe Veen'n]] in de Oôstkantons. Deur de vele neerslag en de lange winters vi'j ier zelzaeme plantesoôrten die a'j in de rest van Belhië nie vin.
