Skepi

't Skepi was 'n creooltaele groôtdeêls gebaseerd op 't Zeêuws. Ze wier gesproke in Guyana, in en rond Essequibo. De taele ontstoeng onder slaeven op plantages mee Zeêuwse meêsters. Naedat Guyana in Britse 'anden kwam, bleef de taele gesproke ore; op d'r 'oôgtepunt ao ze zò'n vuuf- tot tienduzend sprekers. Vanaf de negentiende eêuw rocht de taele in 't verdom'oekje as steeds meêr mènsen overgoenge op 't Guyanees Creooliengels. De leste spreker stierf in 1998.

't Bestaen van de taele was langen tied bie de wetenschap onbekènd. Pas in de jaeren zeventig wier d'rover gepubliceerd. Omda de taele toen a naebie uutgesturve was, kwaemen de veldwerkers nie vedder as 'n stik of 200 woorden en 25 zinnetjes. In 2020 doke d'r dagboekantêkeniengen van 'n Guyanesen domenie op, daeruut nog is 250 woorden en 125 zinnetjes ge'ole ore konden.

In Guyana wier d'r nog 'n Zeêuwse creooltaele gesproke, 't Berbice-Nederlands. Sprekers van 't Skepi en 't Berbice-Nederlands konden mekaore nie verstae.