Kamperland: verschil tussen versies

'''Kamperland''' is een durp in de [[Zeêland|Zeêuwse]] hemeênte [[Noôrd-Beveland]]. 't Antal inweuners bedraegt 2049 ([[1 januari]] [[2008]]). T'is di mee de groôtste plaets op't [[Noôrd-Beveland|eiland]].

 

De plaets was vroeger bekend as ''Campen'' en'oor a in [[976]] enoemd. De naeme is ofeleid van't [[Latijn]]se ''campus'', da 'veld' of 'omeind land' betèkent. In [[1170]] 'oor Campen as zellufstandige [[parochie (kerk)|parochie]] enoemd. 't Moe een belangrieke plaets bin ewist, wan't uudige [[Ter Veere]] op [[Walchren]] wier vroeger ''Kampvere'' enoemd; de plaets vanwi't [[veerpont|veer]] ni Campen vertrok.

Tweê [[sturmvloed|sturmvloe'en]] in de [[16e eêuwe]], de [[Sint-Felixvloed]] op [[5 november]] [[1530]] en de [[Allerheiligenvloed]] op [[2 november]] [[1532]] teisterde Noôrd-Beveland, en ierbie verdweên oôk Campen in zeê. Vanof [[1598]] wier Noôrd-Beveland wi in'epolderd. Nae de bediekienge van de [[Heer-Janszpolder]] wier op de plaets van't ouwe Campen 't uudige Kamperland aneleid, aes leste van de wederopebouwde Noôrd-Bevelandse plaetsen. Anders dan bie [[Colijnsplaet]], [[Kats]], [[Kortjeen]], [[Heersdiek]], en [[Wissenkerke]], wier Kamperland nie planmaetig aneleid.