Pont de Normandie

De Pont de Normandie, of de Bruhhe van Normandië, is een tuibruhhe in Normandië over de Seine. De bruhhe leit op de plekke wira de Seine in Het Kanaol uutmondt. Dat is voe het estuarium van de Seine, wir de 'aevenstad Le Havre ten noor'n van leit. Ten zuujen van het estuarium leit Honfleur. De Pont de Normandie is een ongerdeel van de Franse snelwegroute A29, die langs dizze twee plekken komt.

De brug is zoô oôge ontworpen, dat een vrieë deurvaart onger de brug meuglijk is.

Beschrieving

De Pont de Normandie is mie een totale lengte van 2.143,21 m, de langste in z'n soorte in Europa. De brug is nae een bouwtied van zeven jaar op 20 jannewari 1995 gereêd 'ekomme. Op het moment van opening was het de langste tuibruhhe ter wereld en ok de overspanning van 856 m tussen twee pilaeren was destieds ongeëvenaerd. In 1999 wier in Japan de Tatarabrug 'ebouwd, die een groôtere overspanning 'ao dan de Pont de Normandie.

De tweê betonnen pilaeren 'ao de vurm van een omgekeerde Y. Het gewicht van ielke pilaer is 20.000 ton en de 'oôgte bedraegt 214,77 m. Meer dan 19.000 ton staal en 184 kabels waren nodig voor de constructie van de pilaren.

• 
  Op de bruhhe
• 
  Vanof de A29