Guus de Casembroot
Auguste François Charles (Guus) de Casembroot (Middelburg, 17 december 1906 - Utrecht, 10 feberwari 1965) was Commissaoris van de Konienginne van Zeêland tiejes de Twidde Wereldoorlog en de Waetersnoȏdramp van 1953. Z'n officiele naeme luujende: Jhr. Auguste François Charles de Casembroot.
Van 1932 toet 1948 was um mee een korte ongerbreking tiejes de leste oorlogsjaeren burgemeêster van Wasschappel. Vanof 1948 wier De Casembroot benoemd tot Commissaoris van de Konienginne van Zeêland.
De Casembroot bleef commissaoris toet z'n plotselinge doôd in 1965. In die zeventien jaer wier um een gerespecteerd en geliefd figure in Zeêland. Um was een dynaomisch persoôn die mee mensen uut aolle laegen van de bevolkienge makkelek contact maekende. Onvermoeibaar doorkruusende um de provincie om bie talloôze officiële helegenheden anwezig te wezene. Um wier in Zeêland beschouwd as "één van uus", mede deu z'n grôte kennisse van de provincie, het Zeêuws, de volksaerd en z'n vermôgen om mensen en naemen makkelek te onthouwene. Voorà gedurende de naeoôrlogse wederopbouwe en tiedens de Waetersnoȏdramp van 1953 dwong um deu z'n improvisaotietalent en grôte betrokkenheid vee respect of bie de Zeêuwen. Dat z'n populariteit nie was verhete bleek ant ende van 1999, toe De Casembroot 35 jaer nae z'n doôd bie een verkiezing georhaoniseerd deu de Provinciale Zeeuwse Courant het predicaot "Zeêuw van de Eêuwe" kreeg.
Zie ok bewerk
Literature bewerk
- G.A. de Kok, "Commissaris der Koningin in Zeeland", in: Zeeuws Tijdschrift, 1955, p. 2-5
- G.A. de Kok, Een van ons. Ter nagedachtenis aan Jhr.mr. A.F.C. de Casembroot, commissaris der koningin in Zeeland, 1948-1965. Geboren te Middelburg 17 december 1906, overleden te Utrecht 10 februari 1965, Middelburg, 1965
- G.A. de Kok, Sporen in de slik, Middelburg, 1973
- L.W. de Bree, G. van der Ham, Zeeland 1940-1945, 2 delen, Middelburg/Zwolle, 1979, 1990, ISBN 9070027658 (deel 1), ISBN 9066302178 (deel 2)
- H. Bollen, J. Kuiper-Abee, Worsteling om Walcheren, Zutphen, 1985, ISBN 9062552285
- Biografie op www.parlement.com
- Nederland's Adelsboek 81 (1990-1991), p. 94.
Lienks nae buten bewerk
| vòganger | tied | opvolger |
|---|---|---|
| Johan Willem Quarles van Ufford | 1948 — 1965 | Jan van Aartsen |