De Single Top 100 is 'n hitparade die begun as de Hilversum 3 Top 30 op 23 meie 1969. Joost den Draaijer was de diskjockey die 't programma presenteerde. Den eêste nummer 1-hit was Israelites van Desmond Dekker & The Aces. In 1971 wier het programma overgenome deur Felix Meurders die de naêm wiezigde in Daverende Dertig. Toen in juni 1974 de Nationale Hitparade in 't leven geroepe wier, kon je 'n kopietje van de lieste afhaêle bie de plaêtewienkel. Op den eêsten juli gebruukte het tillevisieprogramma TopPop de publieke hitlieste, die in mekaar gezet wier deur Buma/Stemra, laeter deur Intomart B.V. De Nationale Hitparade is uutgezonde deur de NOS en vanaf eind 1985 deur de TROS. Vanaf 1994, biena een jaer naedat de Mega Top 50 wier opgericht en uutgezonde, was 't den eênigste hitparade bie de publieke omroep. In 2004 gienge de (3FM) Mega Top 50 en de Single Top 100 d'r eigen weg; ze wazze aollebei voortgekomme uut den ouwe Mega Top 50.

De Single Top 100 wor in mekaar gezet deur GfK. Ze gebruukt verkoôpsiefers en 't aantal maêle dat liedjes gekeke en beluusterd worre op 't internet (bevobbeld op YouTube en Spotify), het zogenaemde streamen. Luustersiefers van liedjes op radio en tillevisie worre nie megenome bie 't maeke van de wekelekse lieste. Elke weke komt er 'n lieste uut van honderd plaete mee het percentage van de verkôop en streaming vergeleken mee de nummer eên.

Elk jaer maekt GfK een verkoôp/streaminglieste van 't hele jaer. Daerbie worre gin punte opgeteld van aole lieste, zoals bie de Top 40 en de Mega Top 30. De uutkomst is 'n jaerlieste (Top 100) mee de nummers die 't meêst verkocht en gestreamd binne, uutgedrukt in percentages.

Boeken bewerk

Jaer Titel Schriever(s) Beschrieving van den innoud ISBN
2004 Mega Charts Jubileumeditie Ed Hoogeveen Jubileumboek; gaet over de eêste tien jaere van Mega Charts ISBN 9789021540207
2013 Mega Top 50 presenteert: 50 Jaar Hitparade Bart Arens, Edgar Kruize, Ed Adams De volledige geschiedenis van de Nederlanse publieke hitparades van 1963 tot 2014 ISBN 9789000331000

Cd-rom bewerk

Jaer Titel Uutgever Beschrieving van den innoud ISBN
2006 Mega Hitparade 1946-2006 Softmachine Publishing Int. volledige liesten van de hits in de Nederlanse hitparade van de jaeren 1946-2006 ISBN 90-76725-15-2

Lienk nae buten bewerk