Ross' hanze
| Ross' hanze IUCN-status: Veilig | ||||||||||||
|---|---|---|---|---|---|---|---|---|---|---|---|---|
 Ross' hanze | ||||||||||||
| Taxonomische indeêlienge | ||||||||||||
| ||||||||||||
| Soôrt | ||||||||||||
| Anser rossii (Cassin, 1861) | ||||||||||||
De Ross' hanze (Anser rossii of Chen rossii) is een hanze uut de femielje Anatidae van 't heslacht Anser of soms ok wè ezeid van 't heslacht Chen.
Deur de American Ornithologist's Union wor de Ross' hanze saemen mie de twi aore witte hanzen in 't heslacht Chen eplekt.
De Ross' hanze is een bieni aelemal witte hanze mie zwarte vleuheltoppen, een roôie snaevel en roôie poôten. Ze zien 53 tot 66 centimer hroôt en wehen tussen de 1,2 en 1,6 kilo. De wuufjes zien iets luchter dan de ventjes. Ie liekt vee op zen broertje de snieuwhanze, mè is bieni 40% kleiner en zen snaevel is kleiner ten opzichte van zen lief.
Voekomm'n
bewerkDe Ross' hanze broei slechs in Noôrd-Canada op de toendra, wir an ze hos en kruu'n eetn, en overwinter in de VS tot 't zuuden en soms in 't noôrn van Mexico. Af en toe worn Ross' hanzen eziene in West-Europa, ok worn vee Ross' hanzen ehouwen in koôien. Ross' hanzen leven in de broedtied in de toendra's en tiedens 't overwintern leven ze in moerassihe weilan'n en derhelijke.
Broeien
bewerkDe Ross' hanze lei 4 tot 5 crèmekleurihe eiers in een nistje van stroôtjes en mos ineleid mie veêr'n. De jonge van de Ross' hanze worn hebore op de toendra en zien der vee ars uut as de adulte hanzen. Ze wehen onheveer 65 hram en ze zien aelemille hrauw, mie uutzonderieng van de buuk die a wat lichter is. Ok de snaevel en de poôten zien hroenhrauw. Ross' hanzen kunn'n hybriden vurmen bie de hrauwe hanze (Anser anser), de snieuwhanze (Anser caerulescens), de keizerhanze (Anser canagica) en de roôd'alshanze (Branta ruficollis).