Rhône-Alpes

Rhône-Alpes is 'n voormaelige bestierlijke rehio in 't zuudoôst'n van Frankriek mei Lyon as oôdstede en hroôste stad van de rehio. 't Was de tweêde rehio van Frankriek wa betref 't oppervlak (nae Midi-Pyrénées mei as oôdstede Toulouse) en wa betref economie en inweunertal (nae Île-de-France mei as oôdstad Paries). De rehio had 6.215.840 inweuners (2007) op 'n oppervlak van 43.698 km². Rhône-Alpes was de achste rehio van Europa.

Lihhienge van Rhône-Alpes in Frankriek.

Rhône-Alpes grens an de Franse rehio's Provence-Alpes-Côte d'Azur, Languedoc-Roussillon, Auvergne, Bourgogne en Franche-Comté, de Italiaonse rehio's Valle d'Aosta en Piemonte en de Zwitserse kantons Vaud, Wallis en Genève.

Rhône-Alpes kant 25 arrondissement'n, 335 kantons en 2879 hemeênt'n, en is verdeêld in de departement'n Ain (01), Ardèche (07), Drôme (26), Isère (38), Loire (42), Rhône (69), Savoie (73) en Haute-Savoie (74) (74).