Recht

Recht is een verzaemelienge van of te dwiengen rehels om in den maotschappij de relaosies tussen minsen onderlieng te orhaniseern en de acties wirmie an deze rehels worn e'andaefd. De weet'nschapplijke bestudeêrienge van 't recht wor rechen of rechsheleêrdeid enoemd.

Symboôl van 't recht, Vrouwe Justisia

Neffen 't recht zien der nog aore rehelsysteem'n die an ons hedrag bepaeln, zoas cultuur en moraol. Deze systeem'n verschill'n mie 't recht deur de meniere wirop an ze kunn'n worn afedwongn.

Rechen en de wet

't Continentaol recht is ebaseerd op hecodificeerd recht, wat a beteêken dat 't hroste deêl van 't recht in de wet vasteleid lig. De rechter wor tradisjoneêl eziene as de persoôn die a deze wetteksen interpreteêr en toepas, mè die a zelf hin eihen rechsrehels mik. Dit is in tehenstellieng tot de Angelsaksische traditie, wir a de rechter eacht wor 't recht te maekn in zen rechspraek, wat a jurisprudensie enoemd wor, en op deze meniere bie te draehen an 't rechssysteem, of 't Common Law-systeem.

Beroemde rechters

• Aristoteles
• Roman Herzog
• Franz Schlegelberger
• Humphrey Waldock
• Louise Arbour