Ramp mie het s.s. Cornelis
De ramp mie het s.s. Cornelis was een scheepsramp op 16 oktober 1922, wibie 23 zeêmannen verdronken. 12 van die 23 kwamme uut Terneuzen. De Cornelis, mie as tuushaeven Terneuzen, was eigendom van de in Terneuzen gevestigde rederieje A.C. Lensen, in die tied een van de belangriekste werkgevers in de stad. Op vriedag 27 oktober bin 6 bemanniengsleden in het Zweedse Öregrund begraeven. Ienkele aore bemanningsleden bin begraeven in Zweedse kustdurpen in de buurte. De meêste lichaemen bin nooit teruggevonden. De toedracht van de gebeurtenissen op de Cornelis is ok nooit 'emae duudelijk geworren.
In 1991 vind een duikexpeditie plaes nae het wrak. Laeter in de jaeren '90 is in Öregrund een monument opgericht voe de ramp. Pas op 13 november 2009 is op de zeêdiek an de Scheldeboulevard in Terneuzen een gedenkteken ont'uld. In dat jaer is er ok een boek verscheene over de ramp.