Ou-Vossemaer

(Deurverwezen vanaf Oud-Vossemeer)

Ou-Vossemaer of gewoôn Vossemaer (tehenwoordig oor je meer Vosmeer, Nederlands: Oud-Vossemeer) is een durp op eiland Tole mee 2.740 inweuners (2023). Toet an 1971 wast een eige gemeênte. An de aore kant van 't Schelde-Rijnkanaol leit Nieuw-Vossemaer, dat 'oort dus bie Braebant.

Liggienge

De plekke mikte deel uut van de 'eerlek'eid Ou- en Nieuw-Vossemaer en Vrijberghe. In vuuftienachtenzeventig bin m’n bekan van de kaerte gevoge deur ‘n groôte brand. De Waalse troepen van de Prins van Oranje è 'ier gevochte tegen de Spanjaerden. Nieuw-Vossemaer wier in 1609 droôggelegd. In 1809 wiere Ou- en Nieuw Vossemaer gescheie. t Vossemaers, onderdeêl van de zuudoôstelike groep, is volges berichten beïnvloed deu 't Braebants, juust zoô-as 't Braebants van Nieuw-Vossemaer dudelik Zeêuwse invloeden zou è. Vosmeer is een ander durp as de rest van ‘t eiland, aoltied à gewist en ‘t zà ok wè zo bluve. Toen de durpen in de jaeren zeventig saemengevoegd moste woôre, was ‘t: ‘anden af van Vosmeer! Ons è noe ok ’n volkslied, ‘Vosmeers Lof’, ‘n vlagge en ‘n lekker Vosmeers wientje. Bie aolle feêstelijk’eden è m’n nog kermis, wielerronde en ok durpetocht. D’r is te vee om op te noemen. À je op Vosmeer weunt, gae je d’r nie gauw weg. Dat merk je ok an d’ import; z’ è geên inburgeriengscursus nôdig, wè om Zeêuws te lêre schrieven. Ons zienge nie vò niks: Waer à ‘k ter waereld ok belande, m’n oôd is ier op Vossemeer. De voorouwers van de Amerikaonse president Franklin Delano Roosevelt komme uut het durp. Een monument 'erinnerd 'ieran.

Zie ok bewerk

Lienks nae buten bewerk