Lin Potappel

sins 1906 'n ouwerling binnen de Oud Grifformeerde Gemeênte van Staevenisse
(Deurverwezen vanaf Leen Potappel)

Leendert Johannes (Lin) Potappel (Staevenisse, 27 maerte 1882 – daer 1 feberwari 1953) was sins 1906 'n ouwerling binnen de Oud Grifformeerde Gemeênte van Staevenisse. Awast um gin doômenee was, ao um wè groôt gezag in dizze kerke. Potappel is verdronke mee de waetersnoôdramp van 1953.

Potappel was een bekend fihure op Tole, mar ook binnen het bevindelijk deel van kerkelijk Nederland. Ie stong bekend om z'n groôte bescheideneid. Toe-a in 1936 een nieuwe kerke wier gebouwd woe de mênsen dat ie de eêste steên zou lehhe. Potappel wou gin steên mee z'n naem d'r op. As compromis is een steên gemikt mee ienkel z'n initiaolen, L.J. P. Mzn..

Een 'ardnekkige mythe is dao Potappel de ramp zou 'ebben voorspeld. Het was echter ouwerling Slaoger die-a de preek las op zondagaovond 25 jannewari en z'n eihe gedronge voelde om iets aors te lezen. Ie voelende toe da d'r iets vreêselijks voo de deure stong.[1]

Potappel spreekt nog aoltied tot de verbeeldieng. De SGP eit Potappel een tiedje as voobeeld gebruukt bie ulder campagnes. Nae Potappels doôd verschene d'r ok verscheie biograofieën over um. Boekandel Den Hertog uut 'Outen gaf een briefwisseling tussen Potappel en Krien van Gorsel uut, uit. In 2002 schreef Coby Visser-Sluiter het jeugdboek Een jongen uit Stavenisse.[2]

Publicaoties bewerk

  • Johannes Willem Slaoger, Uit het leven van Leendert J. Potappel (27 maart 1882 - 1 Februari 1953), voorganger van de Oud-Geref. Gemeente van Stavenisse (Dordrecht: J.P. van den Tol, [1956]) bevat ok enkele brieven van Potappel
  • A.J. Smits (red.), Brieven van L. J. Potappel te Stavenisse geschreven in zijn diensttijd (1902-1904) (Dordrecht: J.P. van den Tol, [1963])
  • Jewannes van der Poel, "Ten tijde des ouderdoms". Bundel predikaties, meditaties, overdenkingen en brieven van Leen Potappel ter gelegenheid van zijn zeventigste verjaardag, welke hij op 26 april 1979 mocht gedenken (Veenendaal: Kool, 1980)
  • A.J. Smits, Levensbeschrijving en brieven van L.J. Potappel, in leven ouderling van de Oud Gereformeerde Gemeente te Stavenisse ('Outen: Den Hertog, 1984)
  • D. Roozemond (red.), Banden des geloofs. Nieuwe brieven aan Krijn van Gorsel (Kampen: De Groot Goudriaan, 1998)

Rifferensies bewerk

  1. Potappel voorzag ramp niet, maar ging erin onder. Nederlands Dagblad, 1 feberwari 2003
  2. bol.com

Lienks nae buten bewerk