Keerkriengveugels

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves)
Orde:	Pelecaniformes (Pelekaonachtegen)

Femielje

Phaethontidae
(Brandt, 1840)

De femielje van de keerkriengveugels (Phaethontidae) is een femielje van zeêveugels die an 't aele jaer op zeê zitt'n en allaen in de broeitied an land komm'n om te broeien. Keerkriengveugels vliehen vaok oôhe in de lucht van wiruut an ze zoeken ni vissen en ienktvissen die an onder 't oppervlak zwemm'n. Ze vang'n der proôie mie een stoôtduuk.

Uuterlijk

Keerkriengveugels zien onheveêr 75 tot 100 cm lange en èn een spanwiedte van 94 tot 112 cm lange. Ze wehen tussen de 300 en 750 hram. Aol de drie soôrten èn een overwehend wit veêr'nkleêd mie wat zwart der bie. Der staertveêr'n zien verlengd. Ze èn een stevihe snaevel die a een bitje krom sti, een hroôte kop en een korte nikke. Keerkringveugels be'oôrn tot de pelekaonachtegen vanwehe der vier teên'n bie zwemvliezen, mè in tehenstellieng iertoe èn ze een bevederde kele en beter zichbaere neushaeten.

Voedsel

Keerkriengveugels vang'n der proôie deur stoôtduken, wat an vurral vliehende vissen zien en ok ienktvissen.

Hedrag

Keerkriengveugels leven solitair of in kleine hroepjes. Ze voer'n indrukwekk'nde baltsen uut. Ze vliehen in hroepjes tot 20 veugels in verticale cirkels omoôhe wibie an ze bie der verlengde staertveêr'n eên en weêr zwiep'n. A 't wuufje den baltsdanse beval, paer ze mie 't ventje.

Ze nestel'n in oôlen op de hrond, wir a 't wuufje 1 ei lei, een witt'n bie bruune spikkels. Missentieds broei 't wuufje, terwijl a 't ventje 't eetn brieng, mè 't ventje broei ok wè's. De jonge keerkriengveugel is hries en wach op zen eetn terwijl an beie ouwers wig zien. Nae 12 tot 13 week'n haen de jonge uut 't nist, wini an ze zwemm'n en nog nie helieke in staet zien om te vliehen, dat a pas ni een poosje luk.

Indeêlieng

De femielje van de keerkriengveugels besti uut drie soôrten:

Roôdsnaevelkeerkriengveugel (Phaethon aethereus)
Witstaertkeerkriengveugel (Phaethon lepturus)
Roôdstaertkeerkriengveugel (Phaethon rubricauda)